హైదరాబాద్, సెప్టెంబర్ 3: మద్యం బాబులకు ముందున్నవన్నీ గడ్డురోజులే. రోడ్డు ప్రమాదాలను అరికట్టేందుకు వీలుగా ఇప్పుడున్న మద్యం అమ్మకాల పరిమితులను మరింతగా కుదించాలని తెలంగాణ రోడ్డు సేఫ్టీ అథారిటీ కేంద్రానికి సిఫార్సు చేసింది. ఈ షరతుల అమలు విషయమై కేంద్రం త్వరలో నిర్ణయం తీసుకోనుంది. 18 నుంచి 35 సంవత్సరాల మధ్య వయస్సు ఉన్న వారికి ఈ షరతులను వర్తింపచేయనున్నారు.

హైదరాబాద్: జిల్లాల విభజన పేరిట ప్రస్తుతం తెలంగాణలో తీవ్ర గందరగోళం నెలకొందని సిఎల్‌పి నాయకుడు జానారెడ్డి అన్నారు. ఆయన శనివారం మీడియాతో మాట్లాడుతూ, ప్రజల ఆకాంక్షలు, చారిత్రక నేపథ్యం ప్రాతిపదికగా జిల్లాల విభజన జరగాలన్నారు. ఎన్నికలకు ముందు, అధికారం చేపట్టాక సిఎం కెసిఆర్ ఇచ్చిన హామీలు అమలు జరగడం లేదని ఆరోపించారు.

హైదరాబాద్: సీఐడీ అధికారులు ఎంసెట్‌-2పేపర్‌ లీకేజీ కేసులో ఇద్దరు బ్రోకర్లను శనివారం అరెస్ట్‌ చేశారు. పెద్దాడ దామోదర్‌రావు, రమేష్‌కుమార్‌ అనే ఇద్దరు బ్రోకర్లును అరెస్ట్‌ చేసి, వీరికి సంబధించిన రూ.64లక్షలు, రూ.34లక్షలు విలువచేసే ఫ్లాట్‌ సీజ్‌ చేశారు. పుణెలోని 52మంది విద్యార్థులకు పేపర్లు సరఫరా చేసినట్టు అధికారులు గుర్తించారు.

హైదరాబాద్: యూపీలో సినీ పరిశ్రమను తీర్చిదిద్దుతానని ఉత్తర్‌ప్రదేశ్‌ చలనచిత్ర పరిశ్రమ అభివృద్ధి మండలి డిప్యూటీ చైర్‌ పర్సన్‌గా నియమితులైన సినీనటి జయప్రద చెప్పారు. ఆమెకు శంషాబాద్‌ ఎయిర్‌పోర్టులో శనివారం అభిమానులు ఘనస్వాగతం పలికారు. సినీ పరిశ్రమ అభివృద్ధికి తాను పూర్తిస్థాయిలో తోడ్పడతానని చెప్పారు. తెలుగు, తమిళ సినీ అభిమానులు తనను ఎంతో కాలంగా ఆదరిస్తున్నారని తెలిపారు.