హైదరాబాద్, సెప్టెంబర్ 2: అశాస్ర్తియంగా ఉన్న జిల్లాల ముసాయిదాను వ్యతిరేకిస్తూ 3, 4 తేదీల్లో ఇందిరా పార్కు వద్ద నిరాహార దీక్ష నిర్వహించనున్నట్లు కాంగ్రెస్ ఎమ్మెల్యే, మాజీ మంత్రి డికె అరుణ తెలిపారు. ఈ దీక్షలో గద్వాల, జనగామతో పాటు అసంతృప్తిగా ఉన్న ప్రజలు పాల్గొంటారని ఆమె శుక్రవారం మీడియాతో మాట్లాడుతూ చెప్పారు.

హైదరాబాద్, సెప్టెంబర్ 2:సంచార జాతుల వారి స్థితిగతులు మెరుగు పరిచేందుకు చర్యలు తీసుకుంటామని ఆర్థిక మంత్రి ఈటల రాజేందర్ తెలిపారు. ఇప్పటి వరకు సంచార జాతుల వారికి ఒక కులం అంటూ లేదు కాబట్టి ముందుగా వారి కుల ధ్రువీకరణ చేయాలని, వారి పూర్వీకులను బట్టి కుల నిర్థారణ చేయాలని మంత్రి అధికారులను ఆదేశించారు. కుల ధ్రువీకరణ లేకపోవడం వల్ల, సంచార జాతుల వారికి ప్రస్తుతం కులధ్రువీకరణ పత్రం ఇవ్వడం లేదని తెలిపారు.

హైదరాబాద్, సెప్టెంబర్ 2: కరడు గట్టిన గ్యాంగ్‌స్టర్ నరుూం అరాచకాలకు సంబంధించి ఇంతవరకు వివిధ పోలీసు స్టేషన్ల పరిధిలో మొత్తం 62 కేసులు నమోదు చేసి దర్యాప్తును వేగవంతం చేసినట్లు స్పెషల్ ఇనె్వస్టిగేషన్ టీమ్ (సిట్) అధిపతి నాగిరెడ్డి ప్రకటించారు. ఈ నిందితులు కిడ్నాప్, అక్రమంగా ఆయుధాలు కలిగి ఉండడం, బలవంతంగా ఇండ్ల స్థలాలు, భూముల రిజిస్ట్రేషన్‌కు పాల్పడడం లాంటి నేరాలకు పాల్పడ్డారని ఆయన చెప్పారు.

హైదరాబాద్, సెప్టెంబర్ 2: వీణావాణీల ఆపరేషన్ విషయం మరోసారి తెరపైకొచ్చింది. వరంగల్ జిల్లాకు చెందిన ఈ అవిభక్త కవలలను విడదీసేందుకు ఇప్పటి వరకు వివిధ దేశాల నుంచి పేరుగాంచిన వైద్యులు వచ్చినా, ఆపరేషన్ ఎంత వరకు విజయవంతం అవుతుందన్న విషయంపై ఎవరూ స్పష్టత ఇవ్వకపోయినా, తాజాగా శుక్రవారం ఆస్ట్రేలియాకు చెందిన వైద్యుల బృందం వీరికి సర్జరీ చేయటం సాధ్యమేనంటూ సుముఖత వ్యక్తం చేసింది.