మహబూబ్‌నగర్, ఆగస్టు 24: ఐదవ శక్తిపీఠం జోగులాంబ అమ్మవారి ఆలయ ప్రాంగణంలో కృష్ణా పుష్కరాలను పురస్కరించుకుని శతచండీయాగానికి శ్రీకారం చుట్టారు. ఏడు రోజుల పాటు కొనసాగిన ఈ యాగాన్ని దేవాదాయశాఖ మంత్రి ఇంద్రకరణ్‌రెడ్డి ప్రారంభించగా పూర్ణహుతికి జిల్లా కలెక్టర్ టికె శ్రీదేవి, అలంపూర్ ఎమ్మెల్యే సంపత్‌కుమార్ బుధవారం ప్రత్యేక పూజలు నిర్వహించిన అనంతరం ముగింపు పూర్ణాహుతి కార్యక్రమాన్ని నిర్వహించారు.

భువనగిరి, ఆగస్టు 24: గ్యాంగ్‌స్టర్ నరుూం ముఖ్యఅనుచరుడైన పాశం శ్రీనివాస్‌ను బుధవారం నల్లగొండ జిల్లా భువనగిరి పోలీసులు కోర్టులో హాజరుపర్చారు. పిటి వారెంట్ పొందిన పోలీసులు పిడి యాక్టులో నిందితుడై వరంగల్ జైలులోఉన్న పాశం శ్రీనివాస్‌ను భువనగిరి అదనపు ప్రథమశ్రేణి న్యాయమూర్తి ఎన్.రాధిక ఎదుట హాజరుపర్చి తిరిగి వరంగల్ జైలుకు తరలించారు.

హైదరాబాద్, ఆగస్టు 24: గ్యాంగ్‌స్టర్ నరుూమొద్దీన్ అలియాస్ నరుూం వ్యవహారంలో దర్యాప్తు ముమ్మరంగా కొనసాగుతోంది. నరుూంపై వస్తున్న ఫిర్యాదుల నేపథ్యంలో సిట్ దర్యాప్తు ముమ్మరం చేసింది. తొమ్మిది మంది అదృశ్యమైనట్టు నరుూం సోదరి ఫర్హానా సిట్ విచారణలో అంగీకరించింది.

హైదరాబాద్, ఆగస్టు 24: అంతరాష్ట్ర లెండి ప్రాజెక్టును త్వరితగతిన పూర్తి చేసేందుకు సహకరించాలని మహారాష్ట్ర సిఎం ఫడ్నవీస్‌కు సిఎం కెసిఆర్ లేఖ రాశారు. ముంబయి పర్యటనలో ఈ లేఖను సిఎం అందించారు. లెండి ప్రాజెక్టుపై మహారాష్ట్ర నీటిపారుదల మంత్రితో తమ నీటిపారుదల మంత్రి హరీశ్‌రావు 2014 జూలై 23న, అలాగే ఫిబ్రవరి 17, 2015లో చర్చలు జరిపారని సిఎం తన లేఖలో గుర్తు చేశారు.