హైదరాబాద్, ఆగస్టు 2: నష్టాల్లో కూరుకుపోయిన తెలంగాణ ఆర్టీసిని లాభాల బాటలో నడిపించేందుకు కృషి సల్పుతున్నామని, రూ. 5 వేల కోట్ల టర్నోవర్ లక్ష్యంగా సంస్థను పటిష్టం చేయనున్నట్టు టిఎస్‌ఆర్టీసి చైర్మన్ సోమారపు సత్యనారాయణ వెల్లడించారు. మంగళవారం బస్‌భవన్‌లో సంస్థ మేనేజింగ్ డైరెక్టర్ జివి రమణరావు, ఎగ్జిక్యూటివ్ డైరెక్టర్లు, రీజినల్ మేనేజర్లతో కలసి సమావేశమైన చైర్మన్ ఆర్టీసి పురోభివృద్ధిపై చర్చించారు.

హైదరాబాద్, ఆగస్టు 2: గిరిజన తండాలు, గూడెంలలో వైద్య సేవలను మరింతగా విస్తృత పరచాలని గిరిజనాభివృద్ధి, సాంస్కృతిక పర్యాటక శాఖ మంత్రి ఆజ్మీరా చందూలాల్ అధికారులను ఆదేశించారు. సచివాలయంలో మంగళవారం తన చాంబర్‌లో అధికారులతో వైద్య సహాయంపై టెలీకాన్ఫరెన్స్ నిర్వహించారు. గిరిజన ప్రాంతాల్లో మలేరియా, ఇతర విష జ్వరాలు సోకకుండా ముందస్తు జాగ్రత్తలు తీసుకోవాలని అధికారులను ఆదేశించారు.

హైదరాబాద్, ఆగస్టు 2: తెలంగాణ ఎమ్సెట్-2 ప్రశ్నాపత్రం లీకేజిపై దర్యాప్తు చేస్తున్న సిఐడి తీరును పర్యవేక్షించేందుకు హైకోర్టు నిరాకరించింది. ఎమ్సెట్ ప్రశ్నాపత్రం లీకైనందువల్ల తాజాగా నోటిఫికేషన్‌ను ఆదేశించాలని, సిఐడి దర్యాప్తును పర్యవేక్షించాలని కోరుతూ ఎస్ మహేందర్ రాజు అనే న్యాయవాది పిటిషన్ దాఖలు చేశారు. ఈ పిల్‌ను హైకోర్టు మంగళవారం విచారించింది.

హైదరాబాద్, కెపిహెచ్‌బి కాలనీ, ఆగస్టు 2: గ్రేటర్ హైదరాబాద్ పరిధిలోని కూకట్‌పల్లి వసంత్‌నగర్‌లో మంగళవారం విషాదం చోటుచేసుకుంది. గేటెడ్ కమ్యూనిటీకి సంబంధించి నిర్మాణంలోవున్న కమాన్ (ఆర్చ్ గేట్) కుప్పకూలింది. ఘటనలో ముగ్గురు కూలీలు మృతి చెందారు. నలుగురు తీవ్రంగా గాయపడ్డారు.