నవాబుపేట/జడ్చర్ల, ఆగస్టు 1: ఎన్నికలకు ముందు సంపన్న రాష్ట్రంగా ఉన్న తెలంగాణ రాష్ట్రాన్ని టిఆర్‌ఎస్ పార్టీ నాయకులు అనుభవ లేమితో పరిపాలించి అప్పుల పాలు చేశారని టిడిపి రాష్ట్ర అద్యక్షుడు ఎల్. రమణ ధ్వజమెత్తారు. సోమవారం మహ బూబ్‌నగర్ జిల్లా జడ్చర్లలో ఏర్పాటు చేసిన విలేఖరుల సమావేశంలో ఆయన మాట్లాడుతూ రాష్ట్రం అప్పుల్లో కూరుకుపోయిందని ఆందోళన వ్యక్తం చేశారు.

ఆదిలాబాద్, ఆగస్టు 1: ఆదిలాబాద్ జిల్లా ఇంద్రవెల్లి మావోయిస్టు పార్టీ దళసభ్యుడు టేకం రవి ఆలియాస్ రవీందర్‌ను సోమవారం తాండూర్ పోలీసులు అరెస్ట్ చేశారు. అరెస్ట్ అయిన టేకం రవిని సోమవారం జిల్లా ఎస్పీ విక్రమ్‌జిత్ దుగ్గల్ మీడియా సమావేశంలో ప్రవేశపెట్టి వివరాలు వెల్లడించారు.

హైదరాబాద్, ఆగస్టు 1: మహిళలు చైతన్యవంతులైతే సమాజం ప్రగతి పథంలో నడుస్తుందని అయితే మతం మహిళల ఎదుగుదలకు ఆటంకం అవుతుందని ప్రొఫెసర్ కాత్యాయని విద్మహే చెప్పారు. తెలంగాణ రాష్ట్ర మహిళా ఉపాధ్యాయుల వేదిక ఆధ్వర్యంలో జరుగుతున్న ‘నాయకత్వ కార్యశాల’ రెండోరోజు కార్యక్రమంలో ప్రొఫెసర్ కాత్యాయని విద్మహే పాల్గొన్నారు. మహిళలు నాయకత్వంలోకి రావాలంటే ఇంట్లో కూడా పోరాటం చేయాలని అన్నారు.

హైదరాబాద్, ఆగస్టు 1:అక్రమ మైనింగ్‌ను నివారించేందుకు రాష్ట్ర వ్యాప్తంగా అకస్మిక తనిఖీలు జరపనున్నట్టు ఐటి, మైనింగ్ శాఖ మంత్రి కె తారక రామారావు తెలిపారు. రెవెన్యూ, గనులు, విజిలెన్స్, పోలీసు అధికారులతో ప్రత్యేకంగా బృందాలు ఏర్పాటు చేయనున్నట్టు చెప్పారు. కరీంనగర్ పర్యటనలో ఉన్న కెటిఆర్ జిల్లా యంత్రాంగానికి, స్థానిక గనుల శాఖ యంత్రాంగానికి ఎలాంటి సమాచారం లేకుండా కొత్తపల్లి ఇసుక రీచ్‌ను సందర్శించారు.