మహబూబ్‌నగర్, జూలై 22: మహబూబ్‌నగర్ జిల్లాలో కొనసాగుతున్న ఉద్యమాలు, ఆందోళనతో ప్రభుత్వం ఉక్కిరిబిక్కిరి అవుతోంది. ఓ సమస్య తెరపైకి వచ్చేసరికి ఆ సమస్యపై అధికార పక్షానికి సంబంధించిన మంత్రులు, ఎమ్మెల్యేలు దృష్టి సారించి విపక్షాలు చేస్తున్న ఆరోపణలను తిప్పికొట్టేందుకు ప్రయత్నాలు చేస్తున్నారు. అంతలోనే మరో సమస్య తెరపైకి రానే వస్తోంది.

సూర్యాపేట, జూలై 22: గోదావరి నదిపై తెలంగాణ ప్రభుత్వం నిర్మించతలపెట్టిన కాళేశ్వరం ప్రాజెక్టును రీడిజైన్ చేయాలని జాతీయ విపత్తుల నివారణ సంస్థ మాజీ వైస్‌చైర్మన్, మాజీమంత్రి మర్రి శశిధర్‌రెడ్డి డిమాండ్ చేశారు.

గద్వాల, జూలై 22: పాలమూరు జిల్లాలో ప్రతి నీటిబొట్టును వినియోగించుకొంటూ రైతుల పొలాలను తడపాలని ముఖ్యమంత్రి కెసిఆర్ ఆకాంక్షిస్తున్నారని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు, వైద్య ఆరోగ్యశాఖ మంత్రి లక్ష్మారెడ్డి అన్నారు. ఇందులో భాగంగానే పెండింగ్ ప్రాజెక్టులు పూర్తి చేసి సాగునీరు ఇవ్వనున్నట్లు స్పష్టం చేశారు.

కొల్లాపూర్, జూలై 22: ఎంజికెఎల్‌ఐ పథకం ద్వారా భూములు కోల్పోయన రైతుల నుంచి మళ్లీ రెండోసారి పాలమూరు-రంగారెడ్డి ఎత్తిపోతల పథకం కోసం భూములు లాక్కోవడం అన్యాయమని తెలంగాణ జెఎసి చైర్మన్ కోదండరాం అన్నారు. మహబూబ్‌నగర్ జిల్లా కొల్లాపూర్ మండలంలోని ఎంజికెఎల్‌ఐ పథకాన్ని శుక్రవారం ఆయన సందర్శించారు. నార్లాపూర్, ఎల్లూరు, కుడికిళ్ల రైతులతో మాట్లాడారు. రైతులు ఎదుర్కొంటున్న సమస్యల గురించి అడిగి తెలుసుకున్నారు.