హైదరాబాద్: కేంద్ర ప్రభుత్వం అనుసరిస్తున్న ప్రజా వ్యతిరేక విధానాలకు నిరసనగా వచ్చేనెల 17న దేశవ్యాప్త ఆందోళనకు తమ పార్టీ సమాయత్తమవుతోందని సిపిఐ నేత చాడ వెంకటరెడ్డి సోమవారం తెలిపారు. కేంద్రం విధానాలతో అన్నివర్గాల ప్రజలు అవస్థలు పడుతున్నారన్నారు. తెలంగాణలో అధికారులు ప్రభుత్వానికి తొత్తులుగా మారితే ఐఎఎస్ అధికారిణి శ్రీలక్ష్మికి పట్టిన గతే పడుతుందని హెచ్చరించారు.

హైదరాబాద్: పంజగుట్ట వద్ద రోడ్డు ప్రమాదంలో ముగ్గురి మరణానికి కారకులైన ఆరుగురు యువకులను కఠినంగా శిక్షించాలని డిమాండ్ చేస్తూ చిన్నారి రమ్య కుటుంబ సభ్యులు సోమవారం యశోద ఆస్పత్రి వద్ద ఆందోళన ప్రారంభించారు. ఈనెల 1న పంజగుట్ట వద్ద మద్యం తాగి ఆరుగురు మైనర్ యువకులు కారు నడపడంతో మరో కారులో వెళుతున్న రమ్య కుటుంబీకులు గాయపడ్డారు.

హైదరాబాద్: దుండిగల్ పోలీసు స్టేషన్ పరిధిలోని సురారం కాలనీలో సోమవారం తెల్లవారుజామున కొందరు దొంగలు ఓ ఇంట్లో బీభత్సం సృష్టించి అడ్డువచ్చిన వారిని చితకబాదారు. లాండ్రీషాపు యజమాని సత్యనారాయణ ఇంట్లో దొంగలు చొరబడి నగదు కోసం ఆరా తీశారు. సత్యనారాయణను, ఆయన కుటుంబ సభ్యులపై దాడి చేశారు. చేతికి దొరికిన 5వేల రూపాయల నగదుతో దొంగలు పరారయ్యారు.

నల్లగొండ, జూలై 17: ప్రభుత్వాలెన్ని మారినా నల్లగొండ జిల్లా ప్రజలపై ఫ్లోరైడ్ బండ బాధ తొలగడం లేదు. గత ప్రభుత్వాలు చేపట్టిన మంచినీటి పథకాలు ప్రజలకు సరిపడా రక్షిత మంచినీటి జలాలు అందించడంలో విఫలమవుతున్న తరుణంలో స్వరాష్ట్రంలో పగ్గాలు చేపట్టిన ముఖ్యమంత్రి కెసిఆర్ ప్రభుత్వం తమకు ఫ్లోరైడ్ తాగునీటి సమస్యను దూరం చేస్తారని భారీ ఆశలే పెట్టుకున్నారు.