హైదరాబాద్, జూలై 15: తెలంగాణ రాష్ట్ర మున్సిపల్ వ్యవహారాల మంత్రి కె తారక రామారావు, రాష్ట్రంలోని మున్సిపల్ కార్పొరేషన్ల మేయర్లు, మున్సిపల్ చైర్మన్‌లు ఒక నెల వేతనాన్ని హరిత హారం కార్యక్రమం అమలు కోసం విరాళంగా ఇవ్వాలని నిర్ణయించారు. అదే విధంగా మున్సిపల్ ఉద్యోగులు సైతం ఒక రోజు వేతనాన్ని హరిత హారంకు విరాళంగా ఇవ్వాలని నిర్ణయించినట్టు కెటిఆర్ తెలిపారు.

హైదరాబాద్, జూలై 15: తెలంగాణ రాష్ట్రంలో కొత్త జిల్లాల ఏర్పాటుతో జోనల్ విధానానికి మంగళం పాడనున్నట్టు తెలిసింది. కొత్త జిల్లాల ఏర్పాటులో తలెత్తే ప్రధానమైన సమస్యలు, ఉద్యోగుల కేటాయింపు వంటి కీలక అంశాలపై ఉన్నతాధికారులు దృష్టిసారించారు. 1969లో తెలంగాణ ఉద్యమం తరువాత తెలంగాణ ప్రాంతానికి చెందిన ఉద్యోగాలు ఇతర ప్రాంతాల వారు పొందకుండా జోనల్ విధానం ఏర్పాటు చేశారు.

కరీంనగర్: వచ్చే అసెంబ్లీ ఎన్నికల్లో కాంగ్రెస్‌కు అధికారం ఖాయమని ఆ పార్టీ నేత, మాజీ మంత్రి డి.శ్రీ్ధర్‌బాబు శుక్రవారం పెద్దపల్లిలో జరిగిన పార్టీ కార్యకర్తల సమావేశంలో అన్నారు. పార్టీ శ్రేణులు ఇప్పటి నుంచే ప్రజలతో మమేకమై గెలుపుకోసం కృషి చేయాలన్నారు. కాంట్రాక్టర్ల నుంచి కమీషన్ల కోసమే తెరాస ప్రభుత్వం సాగునీటి ప్రాజెక్టులకు రీ-డిజైనింగ్ చేస్తోందని ఆయన ఆరోపించారు.

హైదరాబాద్: హైదరాబాద్‌కు చెందిన ఇద్దరు ఐసిస్ సానుభూతిపరులు ఇక్బాల్, ఇలియాస్‌లను జాతీయ దర్యాప్తు సంస్థ (ఎన్‌ఐఎ) అధికారులు అజ్మీర్ (రాజస్థాన్) తీసుకువెళ్లి పేలుడు పదార్థాల కొనుగోలుకు సంబంధించి వివరాలను సేకరించారు. పేలుడు పదార్థాల కోసం తాము అజ్మీర్ వెళ్లినట్లు నిందితులు ఎన్‌ఐఎ అధికారులకు చెప్పారు.