హైదరాబాద్: పెట్రోలియం ఉత్పత్తుల రవాణాపై 14.5 శాతం వ్యాట్‌ను రద్దు చేయాలని డిమాండ్ చేస్తూ తెలంగాణలో పెట్రోల్ ట్యాంకర్లు, ట్రక్కుల యజమానులు ఆదివారం అర్ధరాత్రి నుంచి సమ్మె ప్రారంభించారు. దీంతో తెలంగాణలో పెట్రోల్, ఎల్‌పిజి గ్యాస్ ట్యాంకర్లు, ట్రక్కులు ఎక్కడికక్కడ నిలిచిపోయాయి. తమ డిమాండ్లు తీర్చే వరకూ ఆందోళన విరమించేది లేదని ట్యాంకర్ల యజమానులు స్పష్టం చేస్తున్నారు.

వరంగల్, మే 29: వరంగల్ పార్లమెంటు మాజీ సభ్యురాలు డాక్టర్ టి. కల్పనాదేవి ఆదివారం తెల్లవారు జా మున గుండెపోటుతో మృతి చెందా రు. గత కొన్ని రోజులుగా అనారోగ్యం తో బాధపడుతూ హైదరాబాద్‌లోని ఓ ప్రైవేటు ఆస్పత్రిలో చికిత్స పొందుతున్న ఆమె రాత్రి 2గంటలకు మరణించారు. ఈ సంఘటన తెలుసుకున్న డిప్యూటీ సిఎం కడియం శ్రీహరి, టిపిసిసి మాజీ అధ్యక్షుడు పొన్నాల లక్ష్మయ్య హుటాహుటీన అక్కడకు చేరుకున్నారు.

హైదరాబాద్, మే 29: కేంద్రం నుంచి అధిక నిధులు సాధించే అంశంపై తెలంగాణ ప్రభుత్వం దృష్టి సారించింది. ఉమ్మడిలో ఉన్నప్పుడు రాష్ట్రానికి కేంద్రం నుంచి ఎన్ని నిధులు వచ్చేవో అంతే మొత్తాన్ని రాబట్టుకోవడానికి తీసుకోవాల్సిన చర్యలపై సర్కారు కసరత్తు మొదలెట్టింది. ఉమ్మడిలో 23 జిల్లాలకు కేంద్రం నుంచి వచ్చే నిధులు రాష్ట్ర విభజన తర్వాత తెలంగాణలో పది జిల్లాలు మాత్రమే ఉండటంతో సగానికి సగం తగ్గిపోయాయి.

వేములవాడ, మే 28: కరీంనగర్ జిల్లా వేములవాడ శ్రీరాజరాజేశ్వరస్వామి ఆలయానికి హుండీ ద్వారా రూ. 1.04 కోట్ల నగదు ఆదాయం సమకూరింది. శనివారం ఆలయ ఆవరణలోని ఓపెన్ కాంప్లెక్స్‌లో హుండీ లెక్కింపు జరిగింది. ఇవో రాజేశ్వర్ పర్యవేక్షణలో ఈ లెక్కింపు జరిగింది. ప్రధాన దేవాలయంతోపాటు అనుబంధ దేవాలయమైన శ్రీ బద్దిపోచమ్మ ఆలయం, శ్రీ నగరేశ్వరాలయం, శ్రీ నాంపల్లి లక్ష్మినరసింహాలయాల హుండీలను లెక్కించారు.