హైదరాబాద్, మార్చి 5: తెలంగాణ శాసన మండలిలో మండలి చైర్మన్ గుత్తా సుఖేందర్‌రెడ్డి నూతన చాంబర్‌ను మంత్రి వేముల ప్రశాంత్‌రెడ్డి ప్రారంభించారు. ఈ సందర్భంగా మండలి చైర్మన్ సుఖేందర్‌రెడ్డికి శాసనసభ వ్వవహారాల శాఖ మంత్రి వేముల ప్రశాంత్‌రెడ్డి పుష్పగుచ్ఛం అందజేసి శుభాకాంక్షలు తెలిపారు.
కార్యక్రమంలో మంత్రితో పాటు ఎమ్మెల్సీ రాజేశ్వర్ రావు, అసెంబ్లీ కార్యదర్శి నరసింహాచార్యులు కూడా ఉన్నారు.

హైదరాబాద్: మల్కాజిగిరి కాంగ్రెస్ ఎంపీ రేవంత్ రెడ్డి అరెస్టు అప్రజాస్వామికమని, ప్రభు త్వ విధానాలను ప్రశ్నించినందుకు అక్రమ కేసులు బనాయించి అరెస్టు చేయడం దారుణమని పీసీసీ తీవ్రంగా ఖండించింది. ఈ మేరకు ఏఐసీసీ కార్యదర్శి సంపత్‌కుమార్, పీసీసీ అధ్యక్షుడు ఉత్తమ్‌కుమార్ రెడ్డి, సీనియర్ నేతలు షబ్బీర్ అలీ, మల్లు రవి ఒక సంయుక్త ప్రకటన విడుదల చేశారు.

హైదరాబాద్, మార్చి 5: తమిళనాడు రాష్ట్రానికి తాగునీరు ఇవ్వడానికి ముఖ్యమంత్రి కల్వకుంట్ల చంద్రశేఖర్‌రావు సూత్రప్రాయంగా అంగీకరించారు. గురువారం ప్రగతి భవన్‌లో తమిళనాడు మంత్రులు ఎస్పీ వేలుమణి, డీ జయకుమార్, పబ్లిక్ వర్క్ శాఖ కార్యదర్శి డాక్టర్ మణివాసన్, సలహాదారు ఎం షీలా ప్రియ తదితరుల బృందం సీఎం కేసీఆర్‌ను కలిసి తమ రాష్ట్రానికి తాగునీరు ఇవ్వాలని కోరారు.

హైదరాబాద్: కరోనా వైరస్ సోకిందన్న అనుమానంతో పూణెలోని నేషనల్ ఇనిస్టిట్యూట్ ఆఫ్ వైరాలజీ (ఎన్‌ఐవీ)కి పంపించిన ఇద్దరి శాంపిళ్లలో ఆ వ్యాధి లేదని తేలింది. ఈ మేరకు ఎన్‌ఐవీ రిపోర్ట్‌లో సంబంధిత అధికారులు పేర్కొన్నారని వైద్య ఆరోగ్య మంత్రి ఈటల రాజేందర్ స్పష్టం చేశారు. కరోనా వైరస్ వ్యాప్తి చెందకుండా ఏర్పాటు చేసిన సర్వెలెన్స్ వైద్య బృందంతో కోఠిలోని వైద్య శాఖ కార్యాలయంలో గురువారం ఆయన సమావేశమయ్యారు.