ఖమ్మం, ఏప్రిల్ 24: పాలేరు అసెంబ్లీ ఉప ఎన్నికలో అధికార టిఆర్‌ఎస్ పార్టీకి వ్యతిరేకంగా అన్ని రాజకీయ పార్టీలు ఒక్కటవుతున్నాయి. టిఆర్‌ఎస్ అభ్యర్థిగా మంత్రి తుమ్మల నాగేశ్వరరావు బరిలో నిలవగా కాంగ్రెస్ అభ్యర్థిగా రాంరెడ్డి సుచరిత పోటీలో నిలుస్తున్నట్లు ఆ పార్టీ ప్రకటించింది. సుచరితకు మద్దతు ఇస్తామని గతంలోనే వైఎస్‌ఆర్ కాంగ్రెస్ పార్టీ ప్రకటించగా, ఆదివారం టిడిపి కూడా అదే విషయాన్ని స్పష్టం చేసింది.

హైదరాబాద్, ఏప్రిల్ 23:కేంద్రం లో బిజెపి ప్రభుత్వం ఉన్నా తెలంగాణ రాష్ట్రానికి ఆ పార్టీ నాయకులు ఏమీ సాధించలేకపోతున్నారని టిఆర్‌ఎస్ ఎమ్మెల్సీ కర్నె ప్రభాకర్ విమర్శించారు. తెలంగాణకు ఏమీ సాధించలేక విఫలం అయిన బిజెపి నాయకులు రాష్ట్ర ప్రభుత్వంపై అర్థం లేని విమర్శలు చేస్తున్నారని అన్నారు. తెలంగాణలో ప్రభుత్వం ఏం చేస్తుందో తెలుసుకుని బిజెపి నాయకులు మాట్లాడితే బాగుంటుందని అన్నారు.

హైదరాబాద్, ఏప్రిల్ 23: రానున్న ఖరీప్ సీజన్‌లో రైతాంగానికి అవసరమైనన్ని విత్తనాలు, ఎరువులు సమకూర్చేందుకు ప్రభుత్వం ముందస్తు ప్రణాళికతో ఉండాలని తెలంగాణ పొలిటికల్ జెఏసి చైర్మన్ ప్రొ.కోదండరామ్ డిమాండ్ చేశారు. శనివారం నాడిక్కడ ఆయన విలేకరుల సమావేశంలో మాట్లాడుతూ తెలంగాణ జిల్లాల్లో కరవు, దుర్భిక్ష పరిస్థితులు తీవ్రంగా ఉన్నందున విత్తనాలు, ఎరువులు రైతులకు అందించేందుకు తగిన ఏర్పాట్లు చేయాలని కోరారు.

హైదరాబాద్, ఏప్రిల్ 23: తెలంగాణ రాష్ట్రంలో అసిస్టెంట్ మోటార్ వెహికిల్ ఇనస్పెక్టర్ల రిక్రూట్‌మెంట్ వివిధ వడపోతల దశలను దాటి తుది దశకు చేరింది. అసిస్టెంట్ మోటార్ వెహికిల్ ఇనస్పెక్టర్ పోస్టులకు గత ఏడాది సెప్టెంబర్ 23న తెలంగాణ పబ్లిక్ సర్వీసు కమిషన్ నోటిఫికేషన్ జారీ చేసింది. 45 పోస్టులకు గానూ 6వేల మంది దరఖాస్తు చేశారు. వీరందరికీ కంప్యూటర్ ఆధారిత రిక్రూట్‌మెంట్ టెస్టును గత నవంబర్ 8న నిర్వహించారు.