రామాయంపేట, ఏప్రిల్ 7: రెండు కోట్ల విలువైన సుమారు ఏడు టన్నుల ఎర్రచందనం దుంగల లారీని పోలీసులు పట్టుకున్నారు. ఈ సంఘటన మెదక్ జిల్లా రామాయంపేటలో గురువారం రాత్రి చోటుచేసుకుంది. ఏపి 16 టిఎక్స్ 0367 గల లారీలో ఏడు టన్నుల ఎర్రచందనం దుంగలను వేసుకుని, పైన సిమెంట్ బస్తాలను నింపుకుని స్మగ్లర్లు హైదరాబాద్ నగర శివారు నుండి నాగపూర్‌కు తరలిస్తున్నారు.

హైదరాబాద్: హోటల్ మేనేజ్‌మెంటు కాలేజీలో విద్యార్థినులు, ఉద్యోగినుల ఫొటోలను మార్ఫింగ్ చేసి లైంగిక వేధింపులకు పాల్పడుతున్న ఓ గుమస్తాపై పోలీసులు కేసు నమోదు చేశారు. నగరంలోని అంబర్‌పేట డిడి కాలనీలో ఈ ఉదంతం చోటుచేసుకుంది. ఫొటోలను మార్ఫింగ్ చేసి బెదిరింపులకు గురిచేస్తూ కాలేజీ గుమస్తా రవీంద్రకుమార్ ఉద్యోగినులను, విద్యార్థినులను లైంగికంగా వేధించేవాడు.

హైదరాబాద్: ప్రజలంతా ముందుగానే పన్నులు చెల్లించి నగర అభివృద్ధికి సహకరించాలని జిహెచ్‌ఎంసి మేయర్ బొంతు రామ్మోహన్ అన్నారు. ప్రధాన ఆదాయ వనరైన పన్నులు సకాలంలో వసూలు చేయకుంటే ఏమీ సాధించలేమని ఆయన గురువారం మీడియాతో మాట్లాడుతూ అన్నారు. ‘వంద రోజుల పథకం’ అమలును ఉగాది తర్వాత మరింత వేగవంతం చేస్తామన్నారు. 300 నాలాల్లో పూడికతీత పనులు త్వరలోనే పూర్తవుతాయని చెప్పారు.

హైదరాబాద్: ప్రైవేటు సంస్థలకు చెందిన క్యాబ్‌ల వల్ల తమ ఉపాధికి గండిపడుతోందని ఆటోడ్రైవర్లు సికిందరాబాద్‌లో గురువారం ఆందోళన చేశారు. ఆటోల కంటే వీటిని తక్కువ రేట్లకు తిప్పడం వల్ల ప్రయాణీకులు వాటినే ఆశ్రయిస్తున్నారన్నారు. రవాణా చట్టాన్ని ఉల్లంఘిస్తున్నందున క్యాబ్‌లను కట్టడి చేయాలని వారు కోరుతున్నారు.