హైదరాబాద్: హైదరాబాద్ కేంద్రీయ విశ్వవిద్యాలయంలో విద్యార్థులపై లాఠీచార్జీ, తాజా పరిణామాలపై రాష్టప్రతికి ఫిర్యాదు చేసేందుకు తెలంగాణ కాంగ్రెస్ ప్రతినిధి బృందం సోమవారం దిల్లీకి బయలుదేరింది. మంగళవారం వీరు రాష్టప్రతి కలుస్తారు.

హైదరాబాద్: గతంలో ప్రకటించిన విధంగానే తెలంగాణలో ఎస్‌ఐ పోస్టుల భర్తీకి వచ్చే నెల 17న రాతపరీక్ష యథాప్రకారం జరుగుతుందని, అయితే ఆర్‌ఆర్‌బి పరీక్షల దృష్ట్యా కానిస్టేబుల్ పోస్టులకు జరిగే రాతపరీక్షను ఏప్రిల్ 3కు బదులు అదే నెల 24న జరుగుతుందని టిపిపిఎస్‌సి అధికారులు సోమవారం ప్రకటించారు. అభ్యర్థులు ఈ మార్పును గమనించాలని వారు సూచించారు.

హైదరాబాద్: రంగారెడ్డి, హైదరాబాద్ జిల్లాల పరిధిలో ఎమ్మెల్యేలకు ఇళ్ల స్థలాలను కేటాయించేందుకు సోమవారం ఇక్కడ ఉన్నతాధికారుల సమావేశం జరిగింది. ల్యాండ్ రెవెన్యూ కమిషనర్ రేమాండ్ పీటర్, రెవెన్యూ శాఖ ముఖ్య కార్యదర్శి మీనా, హైదరాబాద్ కలెక్టర్ రాహుల్ బొజ్జా తదితరులు పాల్గొన్నారు. నగరంలో ఎమ్మెల్యేలకు ఇళ్ల స్థలాల కోసం భూమి లభ్యత గురించి వీరు చర్చించారు

హైదరాబాద్: తెలుగుదేశం పార్టీ 35వ ఆవిర్భావ దినోత్సవం సందర్భంగా మంగళవారం నాడు పలు కార్యక్రమాలు చేపట్టేందుకు ఆ పార్టీ నేతలు విస్తృత సన్నాహాలు చేస్తున్నారు. పార్టీ ప్రధాన కార్యాలయంలో టిడిపి అధినేత, ఎపి సిఎం చంద్రబాబు పార్టీ పతాకాన్ని ఆవిష్కరిస్తారు. ఉదయం ఎనిమిదిన్నర గంటలకు ఎన్టీఆర్ ఘాట్‌లో నివాళులర్పిస్తారు. సాయంత్రం జరిగే సభలో చంద్రబాబు పార్టీ కార్యకర్తలనుద్దేశించి ప్రసంగిస్తారు.