హైదరాబాద్: ఎన్టీఆర్‌ను గద్దె దింపినపుడు చంద్రబాబు తన మద్దతుదార్లతో ఎలా చేశారో తాము కూడా అలాగే చేశామని టిడిపి నుంచి తెరాసలో చేరిన ఎమ్మెల్యే ఎర్రబెల్లి దయాకరరావు అన్నారు. 12 మంది టిడిపి ఎమ్మెల్యేలు పార్టీ ఫిరాయించలేదని, తెరాసలో విలీనం అయ్యామని ఆయన శనివారం విలేఖర్లతో అన్నారు. విలీనంపై ఎవరికైనా అభ్యంతరాలుంటే స్పీకర్‌ను అడగాలని ఆయన అన్నారు.

హైదరాబాద్: విశాఖలోని గీతం వర్సిటీలో ఇంజనీరింగ్ చదువుతూ అనుమానాస్పద స్థితిలో మరణించిన హైదరాబాద్ యువతి శ్రీయ మృతదేహానికి శనివారం ఉదయం వైద్యులు రీ పోస్ట్‌మార్టం జరిపారు. ఆమె విశాఖలో మరణించగా, హైదరాబాద్‌లోని అమ్ముగూడలో కుటుంబ సభ్యులు అంత్యక్రియలు నిర్వహించారు. తమ కుమార్తె మరణంపై అనేక అనుమానాలున్నందున రీ పోస్ట్‌మార్టం జరపాలని శ్రీయ తల్లిదండ్రులు కోర్టును ఆశ్రయించిన సంగతి తెలిసిందే.

మెదక్: పెదశంకరం పేటలోని సంక్షేమశాఖ వసతిగృహంలో అరుణ అనే 8వ తరగతి విద్యార్థిని వార్డెన్ గదిలో ఉరివేసుకుని మరణించినట్లు శనివారం ఉదయం సిబ్బంది కనుగొన్నారు. సమాచారం తెలిసిన వెంటనే పోలీసులు మృతదేహాన్ని పోస్టుమార్టంకు పంపి, ఆత్మహత్యకు దారితీసిన కారణాలపై దర్యాప్తు ప్రారంభించారు.

60మంది విద్యార్థులకు అస్వస్థత