539 ఉద్యోగాలకు 2 లక్షల దరఖాస్తులు పోటీలో ఎంటెక్, పిహెచ్‌డిలు సైతం..
ఏప్రిల్ 17న రాత పరీక్ష ప్రకటించిన టిఎస్‌ఎల్‌పిఆర్‌బి

హైదరాబాద్ : తెలుగుదేశం పార్టీకి చెందిన జూబ్లీహిల్స్ ఎమ్మెల్యే మాగంటి గోపినాథ్, శేరిలింగంపల్లి ఎమ్మెల్యే అరికెపూడి గాంధీ తమ అనుచరులతో కలిసి శుక్రవారం టీఆర్ఎస్‌లో చేరారు. ముఖ్యమంత్రి కేసీఆర్ సమక్షంలో వారు మాట్లాడుతూ, హైదరాబాద్ అభివృద్ధి టీఆర్ఎస్‌తోనే సాధ్యమన్నారు. తెలంగాణ ప్రజలు టీఆర్ఎస్ వైపే ఉన్నారన్నారు.

కరీంనగర్ : పెద్దపల్లి మండలం అప్పన్నపేట గ్రామంలోగల చెరువులో తన స్నేహితులతో కలిసి ఈతకు వెళ్లిన బొబ్బిలి గణేష్(9) అనే బాలుడు చెరువులో మునిగి మృతిచెందాడు. గణేష్ స్నేహితులు చెరువులో మునిగిపోతుండగా స్థానికులు కాపాడి ఒడ్డుకు చేర్చారు.

కరీంనగర్‌ : జగిత్యాల తహసీల్దారు కార్యాలయం సామాగ్రిని కోర్టు ఆదేశాలతో ఈరోజు జప్తు చేశారు. పట్టణానికి తాగునీరు అందించేందుకు 174 మంది రైతులకు చెందిన భూములను 34 ఏళ్ల క్రితం తీసుకుని రిజర్వాయర్‌ నిర్మించారు. భూములకు ప్రభుత్వం పరిహారం చెల్లించకుండా జాప్యం చేసింది. తహసీల్దార్‌ కార్యాలయం సామాగ్రిని జప్తు చేయాలని జగిత్యాల రెండో అదనపు న్యాయస్థానం ఆదేశించింది.