ఆదిలాబాద్: గూడెం ఎత్తిపోతల పథకం ద్వారా రబీ పంటలకు సాగునీటిని అందించాలని డిమాండ్ చేస్తూ దండెపల్లి మండలం కేంద్రంలో రైతులు బుధవారం రాస్తారోకో చేశారు. దీంతో వాహనాల రాకపోకలకు అంతరాయం కలిగింది.

హైదరాబాద్: గ్రేటర్ వరంగల్, ఖమ్మం నగర పాలక సంస్థలకు, అచ్చంపేట నగర పంచాయతీకి జరిగిన ఎన్నికల్లో తెరాస అభ్యర్థులు పూర్తి ఆధిక్యతలో నిలిచారు. వరంగల్‌లో 58 డివిజన్లు ఉండగా, ఇప్పటివరకు తెరాస 29, కాంగ్రెస్ 3, బిజెపి 2, ఇతరులు 6 డివిజన్లలో గెలిచారు. ఖమ్మంలో 50 డివిజన్లు ఉండగా, తెరాస 34, కాంగ్రెస్ 10, సిపిఎం, సిపిఐ, వైకాపా చెరో రెండు స్థానాల్లో గెలిచారు.

హైదరాబాద్: మహిళల భద్రత, బాలికల సంరక్షణ కోసం ‘్భరోసా’ వెబ్‌సైట్‌ను నగర పోలీస్ కమిషనర్ కె.మహేందర్ రెడ్డి మంగళవారం ప్రారంభించారు. తన కార్యాలయంలో ఏర్పాటు చేసిన ఈ పోర్టల్‌ను మహిళల భద్రత కోసం వినియోగించనున్నట్టు తెలిపారు. ఈ సందర్భంగా కమిషనర్ మహేందర్ రెడ్డి మాట్లాడుతూ, మహిళలు, బాలికల సంరక్షణ కోసం ప్రత్యేక వింగ్‌ను ఏర్పాటు చేశామని, త్వరలో ‘్భరోసా’ పథకాన్ని కూడా ప్రారంభిస్తామని తెలిపారు.

హైదరాబాద్: వరంగల్ జిల్లా తాడ్వాయి ఎన్‌కౌంటర్‌లో ఇద్దరు మావోయిస్టుల మృతికి సంబంధించిన నివేదికను జాతీయ మానవ హక్కుల సంఘానికి పంపే విషయమై తుది నిర్ణయం తెలంగాణ ప్రభుత్వానిదేనని, ఈ విషయంలో తాము ఎటువంటి సూచనలు చేయబోమని హైకోర్టు స్పష్టం చేసింది. ఈ ఎన్‌కౌంటర్‌పై దాఖలైన పిల్‌పై మంగళవారం హైకోర్టు విచారణ జరిపింది.