హైదరాబాద్: వరంగల్, ఖమ్మం కార్ఫొరేషన్లు, అచ్చంపేట నగర పంచాయితీలో పోలింగ్ ముగిసింది. వరంగల్ కార్ఫొరేషన్‌లో 55 నుంచి 60% మధ్యలో పోలింగ్ శాతం నమోదయ్యింది. ఖమ్మం విషయానికొస్తే 65% పోలింగ్ శాతం నమోదయినట్లు అధికారులు చెబుతున్నారు. అచ్చంపేట నగర పంచాయితీలో అత్యధిక పోలింగ్ శాతం నమోదయ్యింది. 75% పోలింగ్ నమోదైందని అధికారులు అంచనా వేస్తున్నారు. ఎలాంటి అవాంఛనీయ సంఘటనలు జరగలేదు.

హైదరాబాద్: తెలంగాణ సీఎం కేసీఆర్ బృందం రేపు ఉదయం ముంబై వెళ్లనున్నారు. సీఎం కేసీఆర్‌ వెంట హరీశ్‌రావు, అధికారులు వెళ్తారు. మహారాష్ట్రతో తెలంగాణ సర్కార్‌ ఒప్పందాలు చేసుకోనుంది. తెలంగాణ కేబినేట్ సమావేశంలో ఈ విషయంపై నిశితంగా చర్చించారు.

దిల్లీ : దిల్లీలో ఉగ్ర కదలికలపై నిఘా వర్గాలు హెచ్చరించాయి. అనుమానిత లష్కరే తొయిబా, జైషే మహమ్మద్‌ ఉగ్రవాదులు దేశ రాజధానిలోకి చొరబడినట్లు అనుమానిస్తున్నారు. అప్రమత్తమైన పోలీసులు భద్రతను కట్టుదిట్టం చేశారు.

నల్లగొండ: నల్లగొండ జిల్లా యాదాద్రి శ్రీ లక్ష్మినరసింహస్వామి దేవస్థానం నూతన ఆలయం, బాల ఆలయ నిర్మాణ నమునాలకు, దేవస్థానం అభివృద్ధి మాస్టర్ ప్లాన్ల, ప్రతిపాదనలకు శనివారం స్వామి వారి సన్నిధిలో ప్రత్యేక పూజలు నిర్వహించారు. ఆర్కిటెక్ట్ ఆనందసాయి, స్థపతి సుందర్ రాజన్ రూపొందించిన ప్రధాన ఆలయం, బాల ఆలయం డిజైన్ మ్యాప్‌లను శ్రీ త్రిదండి రామానుజ చినజీయర్‌స్వామి సూచనల మేరకు డిజైన్ చేశారు.