హైదరాబాద్: టెక్నాలజీ, పరిపాలన, పారదర్శకత అంశాల ఆధారంగా గత రెండేళ్లగా వినూత్నమైన పద్దతుల్లో విధులు నిర్వహిస్తున్న పంచాయతీరాజ్, పురపాలక, ఐటి శాఖల మంత్రి కె.తారకరామారావుకు స్కోచ్ సంస్థ చాలెంజర్ ఆఫ్ ద ఇయర్ అవార్డు ప్రకటించింది. ప్రముఖ దిగ్గజాలకి అందించే స్కోచ్ అవార్డును మంత్రి కెటిఆర్ అందుకోనున్నారు. అలాగే కేంద్ర మంత్రి వెంకయ్యనాయుడుకు కూడా లైఫ్ టైం అచీవ్‌మెంట్ అవార్డును స్కోచ్ సంస్థ ప్రకటించింది.

హైదరాబాద్: మహారాష్ట్ర ప్రభుత్వ అభ్యంతరంతో దశాబ్దాల తరబడి పెండింగ్‌లో ఉన్న ప్రాజెక్టులకు ఎట్టకేలకు మోక్షం లభించబోతుంది. మహారాష్ట్ర సరిహద్దులో తెలంగాణ ప్రభుత్వం నిర్మించబోయే కాళేశ్వరం ప్రాజెక్టు సహా ఐదు ప్రాజెక్టులకు మహారాష్ట్ర ప్రభుత్వం గ్రీన్ సిగ్నల్ ఇచ్చింది. గోదావరి, పెన్‌గంగ, ప్రాణహిత నదులపై నిర్మించబోయే ఐదు బ్యారేజీల విషయంలో ఇరు రాష్ట్రాల మధ్య పరస్పర అంగీకారం కుదిరింది.

హైదరాబాద్:తెలంగాణలో 2016-17 విద్యాసంవత్సరానికి సంబంధించి లాసెట్, పీజి లాసెట్ షెడ్యూల్‌ను ఉన్నతవిద్యామండలి బుధవారంనాడు విడుదల చేసింది. ఈనెల 5న దీనికి సంబంధించి నోటిఫికేషన్ విడుదల చేస్తారు. 8వ తేదీనుంచి అప్లికేషన్లు విక్రయం ప్రారంభించి ఏప్రిల్ 10వ తేదీతో ముగిస్తారు. ఏప్రిల్ 24న లాసెట్, పీజిలాసెట్ పరీక్ష నిర్వహిస్తారు.

హైదరాబాద్: వచ్చే మూడేళ్లలో రాష్ట్రంలో రెండు వేల మెగావాట్ల పవన విద్యుత్‌ను ఉత్పత్తి చేయాలని తెలంగాణ రాష్ట్రం లక్ష్యంగా పెట్టుకుంది. దీనికి సంబంధించిన విధి విధానాలతో కూడిన ముసాయిదా పత్రాన్ని తెలంగాణ సంప్రదాయేతర ఇంధన వనరుల సంస్థ వెబ్‌సైట్‌లో ఉంచింది. పవన విద్యుత్‌ను ఉత్పత్తి చేసేందుకు ముందుకు వచ్చే పారిశ్రామికవేత్తలకు వంద శాతం పన్ను మినహాయింపులతో పాటు ప్రోత్సాహకాలు ఉంటాయి.