మిర్యాలగూడ, నవంబర్ 11: రాష్ట్రంలోని అన్ని వర్గాల ప్రజల సంక్షేమం కోసం పనిచేస్తున్నది టిఆర్‌ఎస్ అని అందువలను ఈ ఎన్నికలలో టిఆర్‌ఎస్‌ను గెలిపించాలని నల్లగొండ జిల్లా మిర్యాలగూడ టిఆర్‌ఎస్ ఎమ్మెల్యే అభ్యర్ధి నల్లమోతు భాస్కర్‌రావు అన్నారు. ఆదివారం పట్టణంలోని ప్రభుత్వ జూనియర్ కళశాల క్రీడమైదానంలో క్రీడాకారులను, మార్నింగ్ వాకర్స్‌ను ఎమ్మెల్యే అభ్యర్ధి భాస్కర్‌రావు కలుసుకోని తనకు ఓటు వేయాలన్నారు.

నల్లగొండ రూరల్, నవంబర్ 11: గత కాంగ్రెస్, టీడీపీ పాలనలో లేని అభివృద్ధి టీఆర్‌ఎస్ నాలుగున్నర ఏళ్లలో చేసిందని, కేసీఆర్ చల్లని పాలనలో ప్రజలు సంతోషంగా ఉన్నారని టీఆర్‌ఎస్ నల్లగొండ అసెంబ్లీ అభ్యర్థి కంచర్ల భూపాల్‌రెడ్డి అన్నారు. ఆదివారం జిల్లా కేంద్రమైన నల్లగొండలో 26వ రోజు ఇంటింటికి ప్రచార పాదయాత్ర న్యూ వీటీ కాలనీ, శ్రీనగర్ కాలనీలలో కొనసాగించగా పెద్ద ఎత్తున స్థానికులు, పార్టీ నాయకులు స్వాగతం పలికారు.

నల్లగొండ రూరల్. నవంబర్ 11: కేసీఆర్ ప్రభుత్వం దివ్యాంగులలో ఆత్మవిశ్వాసాన్ని పెంచిందని రాష్ట్ర వ్యాప్తంగా దివ్యాంగులంతా ఏకమై కంచర్ల భూపాల్‌రెడ్డిని భారీ మెజారిటీతో గెలిపించుకోవాలని అటవీ లభివృద్ధి సంస్థ చైర్మన్ బండా నరేందర్ రెడ్డి అన్నారు. ఆదివారం జిల్లా కేంద్రమైన నల్లగొండలో నిర్వహించిన దివ్యాంగుల ఆత్మీయ సభలో టీఆర్‌ఎస్ అభ్యర్థి కంచర్లతో కలిసీ పాల్గొన్నారు.

సంగారెడ్డి, నవంబర్ 10: అన్ని రంగాల్లో తెలంగాణ రాష్ట్రాన్ని అభివృద్ధి చేస్తుంటే చూసి ఓర్వలేని కాంగ్రెస్, టీడీపీ పార్టీలు అడుగడుగునా అడ్డుకునే ప్రయత్నం చేసాయని ఆర్థిక మంత్రి ఈటల రాజేందర్ ధ్వజమెత్తారు. శనివారం రాత్రి సంగారెడ్డిలో నిర్వహించిన ముదిరాజ్‌ల ఆత్మీయ సమ్మేళనం కార్యక్రమానికి ఆయన ముఖ్య అతిథిగా హాజరై ప్రసంగించారు. అన్ని వర్గాల వారి అభ్యున్నతికి టీఆర్‌ఎస్ ప్రభుత్వం పాటుపడిందన్నారు.