ఎన్నికల భూమి:
===========

హైదరాబాద్, నవంబర్ 2: మహాకూటమికి సంబంధించి కాంగ్రెస్ లీకులివ్వడం పట్ల సీపీఐ ఆగ్రహం వ్యక్తం చేసింది. మహాకూటమిలో ఉండాలా? లేక వైదొలగాలా? అన్న అంశాలను ఈనెల 4వ తేదీన జరిగే సమావేశంలో తేల్చేస్తామని సీపీఐ రాష్ట్ర కార్యదర్శి చాడ వెంకటరెడ్డి స్పష్టం చేశారు. ఆరోజు రాష్ట్ర పార్టీ ఏర్పాటు చేసిన విస్తృత సమావేశంలో భవిష్యత్ కార్యాచరణ రూపొందిస్తామని ఆయన ప్రకటించారు.

న్యూఢిల్లీ, నవంబర్ 2: తెలంగాణ అసెంబ్లీ ఎన్నికలల్లో బీజేపీ తరపున పోటీ చేసే అభ్యర్థుల రెండో జాబితాను ఆ పార్టీ శుక్రవారం విడుదల చేసింది. నాలుగు రాష్ట్రాల్లో జరిగే శాసనసభ ఎన్నికల్లో పోటీ చేసే అభ్యర్థులను ఎంపీక చేసేందుకు బీజేపీ జాతీయ అధ్యక్షుడు అమిత్ షా అధ్యక్షతన పార్టీ కేంద్ర ఎన్నికల కమిటీ శుక్రవారం సమావేశమైంది.

హైదరాబాద్, నవంబర్ 2: అసెంబ్లీ ఎన్నికలు సమీపిస్తున్న తరుణంలో తెలంగాణలో మావోయిస్టుల పోస్టర్ల యుద్ధం మొదలైంది. ఎన్నికలను బహిష్కరించాలని హెచ్చరిస్తున్న ప్రకటనలతో దండకారణ్యంలో భయాందోళనలు నెలకొన్నాయి. మరోపక్క ఆంధ్రప్రదేశ్‌కు చెందిన అరకు ఎమ్మెల్యే, ప్రభుత్వ విప్ కిడారి సర్వేశ్వరరావు, మాజీ ఎమ్మెల్యే సోమును హతమార్చింది తామేనని ప్రకటించుకున్నారు.