S ,7 à 8 RSCA (si SASPAS) et 6 cialis pharmacie cialis rapports de stage.

తెలంగాణ

09/23/2016 - 04:25

హైదరాబాద్, సెప్టెంబర్ 22: ఈ సంవత్సరం 2300 కేంద్రాల ద్వారా 30లక్షల టన్నుల ధాన్యం సేకరించాలని లక్ష్యంగా పెట్టుకున్నట్టు పౌర సరఫరాల శాఖ కమిషనర్ సివి ఆనంద్ తెలిపారు. గత ఏడాది ఖరీఫ్ సీజన్‌లో 1671 కేంద్రాల ద్వారా 15లక్షల టన్నుల ధాన్యం కొనుగోలు చేయగా, ఈసారి 2300 కేంద్రాల ద్వారా 30లక్షల టన్నులు కొనుగోలు చేయనున్నట్టు చెప్పారు.

09/23/2016 - 04:24

మహబూబ్‌నగర్, సెప్టెంబర్ 22: మహబూబ్‌నగర్ పట్టణంలో గుట్టుచప్పుడుగా మత్తుమందుల విక్రయస్తున్న మెడికల్ షాపుపై పోలీసులు గురువారం రాత్రి దాడులు చేశారు. ఇక్కడి మోడ్రన్ చౌరస్తాలో లక్ష్మీప్రసన్న మెడికల్ అండ్ జనరల్ స్టోర్ యాజమాని రమణ విద్యార్థులకు గుట్టుచప్పుడు కాకుండా మత్తుమందులను విక్రయిస్తున్నారు.

09/23/2016 - 03:34

హైదరాబాద్/ జీడిమెట్ల, సెప్టెంబర్ 22: ప్రకృతి విపత్తుతో వచ్చిన సమస్యను పరిష్కరించడానికి 72 గంటల సమయం పడుతుందని, ప్రజలు సహకరించి అపార్ట్‌మెంట్‌ల నుంచి ఖాళీ చేసి సురక్షిత ప్రాంతానికి తరలివెళ్లాలని రాష్ట్ర ఐటి, మున్సిపల్ శాఖ మంత్రి కల్వకుంట్ల తారకరామారావు అన్నారు. జలమయమైన నిజాంపేట్ గ్రామం బండారి లేఅవుట్ కాలనీలో గురువారం మంత్రి గంటన్నర సేపునకు పైగా పర్యటించారు.

09/23/2016 - 03:32

హైదరాబాద్ : వర్షాల వల్ల అంటువ్యాధులు వ్యాపించే ప్రమాదం ఉన్నందున వైద్య సిబ్బంది అప్రమత్తంగా ఉండాలని వైద్య ఆరోగ్య శాఖ మంత్రి సి లక్ష్మారెడ్డి సూచించారు. అంటు వ్యాధులు ప్రబలే అవకాశం లేకుండా అన్ని విధాలుగా వైద్య సేవలు అందించేందుకు సిద్ధంగా ఉండాలని ఆదేశించారు. అన్ని వైద్య శాలల్లో ఔట్ పేషెంట్ కౌంటర్లను పెంచాలని చెప్పారు. అదే విధంగా ఔట్ పేషెంట్ కౌంటర్లలో పని వేళలలను కూడా పెంచాలని సూచించారు.

09/23/2016 - 03:20

హైదరాబాద్, సెప్టెంబర్ 22: నగరంలో కురుస్తున్న భారీ వర్షాలతో హుస్సేన్‌సాగర్‌కు వరద నీటి ప్రవాహం పెరిగింది. మంగళ, బుధవారాల్లో కురిసిన వర్షాల కారణంగా ఎగువ ప్రాంతాల నుంచి భారీగా నీరు వస్తుండటంతో పాటు తాజాగా గురువారం కురిసిన వర్షాల కారణంగా నీటి ఉద్ధృతి మరింత పెరిగింది.

09/23/2016 - 03:17

హైదరాబాద్, సెప్టెంబర్ 22: నైరుతీ రుతుపవనాలు తెలంగాణలో ఉద్ధృతంగానూ, ఆంధ్రప్రదేశ్‌లో చురుగ్గానూ ఉన్నాయని భారత వాతావరణ శాఖ (ఐఎండి) తెలిపింది. ఐఎండి శాస్తవ్రేత్త బిపి యాదవ్ పేరుతో గురువారం ఒక బులెటిన్ జారీ అయింది. కోస్తాంధ్రలో అల్పపీడన ప్రభావం స్థిరంగా ఉందని, 7.6 కిలోమీటర్ల ఎత్తులో ఉపరితల తుపాను ద్రోణి ఏర్పడి ఉందని, ఇది ఆగ్నేయదిశగా కదులుతోందని వివరించారు.

09/23/2016 - 03:16

కరీంనగర్/ వరంగల్/ మహబూబ్‌నగర్/ నిజామాబాద్/ సంగారెడ్డి/ నల్గొండ, సెప్టెంబర్ 22: తెలంగాణలోని దాదాపు అన్ని జిల్లాల్లో భారీ వర్షాలు కొనసాగుతున్నాయి. బంగాళాఖాతంలో ఉపరితల ఆవర్తనం అల్పపీడనంగా మారడం, నైరుతి రుతుపవనాలు విస్తరించడంతో కొద్దిరోజులుగా ఎడతెరపి లేకుండా భారీ వర్షాలు కురుస్తున్నాయి. కొద్దిసేపు ముసురు, ఉన్నట్లుండి వర్షం కురుస్తూండటంతో ప్రజాజీవనం అస్తవ్యస్తం అవుతోంది.

09/23/2016 - 03:15

హైదరాబాద్, సెప్టెంబర్ 22: తెలంగాణలో గత వారం రోజుల నుంచి కురుస్తున్న భారీ వర్షాలతో మిషన్ కాకతీయ కింద చేపట్టిన పలు చెరువులు నీటితో నిండుకుండల్లాగా కనిపిస్తున్నాయి. మొదటి దశలో మిషన్ కాకతీయ కింద చేపట్టిన దాదాపు అన్ని చెరువుల్లో నీరు నిండి అలుగు పొర్లుతున్నాయి. ఆదిలాబాద్ జిల్లాలో మొత్తం 2321 చెరువులు ఉండగా, వీటిలో 1239 చెరువులు అలుగు పోస్తున్నాయి.

09/23/2016 - 03:12

మేళ్లచెర్వు, కేతేపల్లి, సెప్టెంబర్ 22: భారీ వర్షాల వల్ల నల్లగొండ జిల్లాలోని డిండి, పులిచింతల ప్రాజెక్టులలోకి భారీగా వరద నీరు చేరుతోంది. మూసీ ప్రాజెక్టులో 7 క్రస్టుగేట్లను నాలుగు అడుగుల మేర ఎత్తి 16,500 క్యూసెక్కుల నీటిని దిగువకు వదిలారు. ఎడమకాల్వకు మరో 2వేల క్యూసెక్కుల నీటిని విడిచిపెట్టారు. కాగా 14వేల క్యూసెక్కుల నీరు ప్రాజెక్టులోకి వచ్చి చేరుతోంది.

09/22/2016 - 17:51

హైదరాబాద్‌: ప్రకృతి వైపరీత్యాలు సంభవించినప్పుడు ప్రజలు అధికారులకు సహకరించాలని, నగరంలో చాలాకాలం తర్వాత 16సెం.మీ వర్షపాతం నమోదైందని, అందువల్లే అన్ని లోతట్టు ప్రాంతాలు జలమయమయ్యాయని తెలంగాణ పురపాలక శాఖ మంత్రి కేటీఆర్‌ తెలిపారు. నగరంలో వర్షాలతో ముంపునకు గురైన పలు ప్రాంతాలను గురువారం ఆయన పరిశీలించారు. నిజాంపేటలోని భండారీ లేఅవుట్‌ను పరిశీలించి బాధితులను పరామర్శించారు.

Pages