హైదరాబాద్, ఆగస్టు 25: వచ్చే నెల 2న నిర్వహించనున్న ప్రగతి నివేదన సభను విజయవంతం చేసేందుకు ఈ నెల 26, 27 తేదీల్లో నియోజకవర్గాల వారీగా సభలు నిర్వహించుకుని ఏర్పాట్లపై చర్చించుకోవాలని, ప్రణాళికలు రూపొందించుకోవాలని రాష్ట్ర పశు సంవర్థక, మత్స్య పాడిపరిశ్రమాభివృద్ధి శాఖ మంత్రి తలసాని శ్రీనివాస్ యాదవ్ పార్టీ నాయకులకు, కార్యకర్తలకు సూచించారు.

హైదరాబాద్,ఆగస్టు 25: హిమయత్‌నగర్ సత్య డయాగ్నస్టిక్ సెంటర్‌లో అత్యాధునిక వైద్య పరికరాలను ఏర్పాటు చేసినట్లు ఆసుపత్రి చైర్మన్ డాక్టర్ వివి శర్మ తెలిపారు. శనివారం నాడు ఆసుపత్రిలో ట్యాబ్ సిటి స్కాన్ ఆధునిక పరికరాన్ని అందుబాటులోకి తీసుకురావడం జరిగిందన్నారు, ఈ సందర్భంగా ఆయన మాట్లాడుతూ మారుతున్న కాలమానం అనుసరించి ఆసుపత్రికి కొత్త టెక్నాలజీని తీసుకురావడానికి ప్రయత్నాలు చేస్తూనే ఉంటామాన్నరు.

హైదరాబాద్: ప్రతి ఒక్కరూ ఏదో ఒక అభిరుచి కలిగి ఉండాలని, అది మనలోని ఉత్సాహాన్ని రెట్టింపు చేయడంతో పాటు కొత్త నైపుణ్యాలను నేర్చుకోవడానికి దోహదం చేస్తుందని గీతం స్కూల్ ఆఫ్ సైన్స్ ప్రిన్సిపాల్ ప్రొఫెసర్ జీఏ రామారావు పేర్కొన్నారు. గీతం డీమ్డ్ వర్శిటీలోని కళాకృతి విద్యార్థుల ఆధ్వర్యంలో లౌజ్ ఓ ఫీలియా పేరిట గత మూడేళ్లుగా క్రమం తప్పకుండా నిర్వహిస్తున్న సాహిత్యోత్సవాన్ని శనివారం నాడు ఆయన ప్రారంభించారు.

హైదరాబాద్, ఆగస్టు 25: జనసేన అధ్యక్షుడు పవన్‌కల్యాణ్ ఆశయాలకు అనుగుణంగా నడుద్దామని పార్టీ ఉపాధ్యక్షుడు బి మహేందర్‌రెడ్డి వివిధ జిల్లాల నుండి వచ్చిన నేతలను ఉద్ధేశించి పేర్కొన్నారు. పవన్ రాజకీయాల్లో జవాబుదారీతనం, పాలనలో పారదర్శకత తీసుకువచ్చేలా పార్టీ సిద్ధాంతాలను , విధానాలను రూపొందించారని అన్నారు.