హైదరాబాద్, జూలై 20: ప్రభుత్వ జూనియర్ కాలేజీల్లో పనిచేస్తున్న కాంట్రాక్టు లెక్చరర్లను బదిలీలు చేసేందుకు అంగీకరించిన ప్రభుత్వం మాట నిలుపుకోవాలని కోరుతూ వందలాది మంది ఇంటర్ విద్య కమిషనర్ కార్యాలయం ముందు శుక్రవారం మహాధర్నా నిర్వహించారు. దీనితో బోర్డు కార్యాలయం, కమిషనర్ కార్యాలయం ముందు తీవ్ర ఉద్రిక్త పరిస్థితులు ఏర్పడ్డాయి.

హైదరాబాద్, జూలై 20: తెలంగాం రాష్ట్ర రోడ్డు రవాణా సంస్థ (ఆర్టీసీ)ను నష్టాల నుంచి అధిగమిస్తూ ఆర్థికంగా నిలదొక్కుకోవడానికి అన్ని ప్రయత్నాలు చేస్తూనే, ప్రయాణికులకు మెరుగైన సేవలు అందిస్తామని సంస్ధ చైర్మన్ సోమారపు సత్యనారాయణ తెలిపారు. ఎప్పటికప్పుడు ప్రైవేటు వాహనాల పోటీని తట్టుకుంటూ ప్రయాణికులకు సేవలు అందిస్తున్నామని ఆయన శుక్రవారం విలేఖరుల సమావేశంలో చెప్పారు.

హైదరాబాద్, జూలై 20: రాష్ట్రంలోని మైనారిటీ గురుకులాలకు మరో 772 మంది టీచర్లను త్వరలో నియమిస్తామని, మరో 1863 పోస్టులను భర్తీ చేస్తామని ప్రభుత్వ ప్రధానకార్యదర్శి డాక్టర్ ఎస్‌కే జోషి పేర్కొన్నారు. శుక్రవారం సచివాలయంలో మైనారిటీ సంక్షేమంపై ఆయన సమీక్షా సమావేశం నిర్వహించారు. ఈ సమావేశంలో మైనారిటీ సంక్షేమ కార్యదర్శి దాన కిశోర్, డైరెక్టర్ షాన్‌వాజ్ ఖాసిం, షుకూర్, విక్టర్ తదితర అధికారులు పాల్గొన్నారు.

హైదరాబాద్, జూలై 20: అటవీశాఖ అధికారులకు, సిబ్బందికి త్వరలో ఆయుధాలు సమకూర్చాలని ప్రభుత్వం యోచిస్తున్నట్టు తెలుస్తోంది. గతంలో ఈ శాఖ అధికారుల వద్ద ఆయుధాలు ఉన్నటికీ మావోయిస్టులు తరచూ ఎత్తుకెళ్లడం, బెదిరింపుల కారణంగా వాటిని పోలీస్‌శాఖకు అప్పగించారు. దీంతో చిన్నపాటి సమస్య ఎదురైనా పోలీస్‌శాఖపై ఆధారపడే పరిస్థితి ఏర్పడింది. ఇదే అదునుగా వేటగాళ్లు, స్మగ్లర్లు రెచ్చిపోయారు.