హైదరాబాద్, జూన్ 2: తెలంగాణ రాష్ట్ర నాలుగవ అవతరణ దినోత్సవ వేడుకలను పోలీ సు కార్యాలయాలు, జైళ్ళ శాఖలో శనివారం ఘనంగా నిర్వహించారు. జాతీయ పతాకాన్ని ఆవిష్కరించి రాష్ట్ర అవతరణకు దోహదపడిన మహనీయులను స్మరించుకున్నారు. ఆర్‌బివిఆర్‌ఆర్ తెలంగాణ రాష్ట్ర పోలీసు అకాడమీలో అత్యంత వేడుకగా రాష్ట్ర అవతరణ దినోత్సవాన్ని ఘనంగా నిర్వహించారు. అకాడమీ డైరక్టర్ సంతోష్ మెహ్రా ఆధ్వర్యంలో ఈ వేడుకలను నిర్వహించారు.

హైదరాబాద్, జూన్ 2: తెలంగాణలోని పలు విశ్వవిద్యాలయాలు, ఉన్నత విద్యాసంస్థలు, స్కూళ్లలో రాష్ట్ర నాలుగో అవతరణ దినోత్సవ వేడుక పండుగ వాతావరణంలో జరిగింది. ఉన్నత విద్యామండలి , ఇంటర్మీడియట్ బోర్డు ఉస్మానియా యూనివర్శిటీ, తెలుగు యూనివర్శిటీ, డాక్టర్ అంబేద్కర్ ఓపెన్ యూనివర్శిటీల్లో అధికారికంగా అవతరణ వేడుకల ను నిర్వహించారు.

హైదరాబాద్, జూన్ 2: తెలంగాణ అటవీ అభివృద్ధి కార్పొరేషన్ అభివృద్ధిలో దూసుకుపోతుందని కార్పొరేషన్ చైర్మన్ నరేందర్ రెడ్డి పేర్కొన్నారు. శనివారం కార్పొరేషన్ ప్రధాన కార్యలయంలో రాష్ట్ర ఆవిర్భావ దినోత్సవ వేడుకలను ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన నరేందర్ రెడ్డి జాతీయ జెండాను ఆవిష్కరించి, తెలంగాణ సిద్ధాంతకర్త జయశంకర్ చిత్రపటానికి పూల మాలలు వేసి నివాళ్ళర్పించారు.

హైదరాబాద్, జూన్ 2: ఉద్యమ ఆకాంక్షలను నెరవేర్చడంలో కేసీఆర్ ప్రభుత్వం పూర్తిగా విఫలం అయిందని సీపీఐ రాష్ట్ర కార్యదర్శి చాడ వెంకట్‌రెడ్డి విమర్శించారు. శనివారం పార్టీ రాష్ట్ర కార్యాలయం ముఖ్దుంభవన్‌లో నిర్వహించిన రాష్ట్ర అవతరణ దినోత్సవాలకు చాడ ముఖ్య అతిధిగా హాజరై కేసీఆర్ నాలుగేళ్ల పాలనపై తీవ్ర స్థాయిలో మండిపడ్డారు.