హైదరాబాద్, మే 21: మాజీ ప్రధాని, స్వర్గీయ రాజీవ్ గాంధీ దేశ ప్రజల గుండెల్లో చిరస్థాయిగా నిలిచిపోతారని పీసీసీ అధ్యక్షుడు ఎన్. ఉత్తమ్ కుమార్ రెడ్డి తెలిపారు. సోమవారం రాజీవ్ 27వ వర్ధంతి సందర్భంగా తెలుగు రాష్ట్రాల కాంగ్రెస్ నాయకులు, కార్యకర్తలు ఆయనకు ఘనంగా నివాళి అర్పించారు. ఉగ్రవాద వ్యతిరేక దినంగా పాటించారు. సోమాజీగుడాలోని రాజీవ్ విగ్రహానికి కాంగ్రెస్ నాయకులు పూల దండలువేసి నివాళి అర్పించారు.

హైదరాబాద్, మే 21: ఇటీవల వెలువడిన సివిల్స్ పరీక్షల్లో టాపర్స్‌గా నిలిచిన వారిని శాసన సభ స్పీకర్ మధుసూదనా చారి, మండలి చైర్మన్ స్వామిగౌడ్‌లు అభినందించారు. సోమవారం తెలంగాణ బీసీ స్టడీ సర్కిల్ ఆధ్వర్యంలో సివిల్ టాపర్స్‌తో ప్రస్తుతం పోటీ పరీక్షలకు సిద్దం అభ్యర్థులకు ముఖాముఖి నిర్వహించారు. ఈ కార్యక్రమానికి ముఖ్య హాజరై స్వామిగౌడ్, మధుసూదాన చారిలు వారిని సన్మానించారు.

హైదరాబాద్, మే 21: గురుకుల పాఠశాలల ప్రిన్సిపాల్ పోస్టులకు నిర్వహించిన రిక్రూట్‌మెంట్ రాతపరీక్షలో 67 ప్రశ్నలను తొలగించాలని తెలంగాణ పబ్లిక్ సర్వీసు కమిషన్ నిర్ణయించింది. ప్రిన్సిపాల్ పోస్టులకు పరీక్ష నిర్వహించిన వెంటనే ఆ పేపర్ లీక్ అయిందనే వార్తలు వచ్చాయి. దానిపై పరిశీలించిన అధికారులు ఒక ప్రైవేటు బ్లాగ్‌లోని ప్రశ్నలు యథాతథంగా వచ్చాయని గుర్తించారు.

హైదరాబాద్, మే 21: కాకతీయ యూనివర్శిటీ ఆధ్వర్యంలో ఐసెట్‌ను ఈ నెల 23,24 తేదీల్లో ఆన్‌లైన్‌లో నిర్వహించనున్నారు. దీనికి 61,439 మంది దరఖాస్తు చేశారు. ఎంబిఎ, ఎంసిఎ కోర్సుల్లో చేరేందుకు ఐసెట్‌ను నిర్వహిస్తారు. పరీక్ష నిర్వహణకు భారీ ఏర్పాట్లు చేసినట్టు ఉన్నత విద్యామండలి చైర్మన్ ప్రొఫెసర్ టి పాపిరెడ్డి, కన్వీనర్ ప్రొఫెసర్ ఎం సుబ్రమణ్య శర్మ తెలిపారు.