హైదరాబాద్, ఏప్రిల్ 10: తెలంగాణ బ్రాహ్మణ సంక్షేమ పరిషత్ రూపొందించిన వివిధ పథకాల ద్వారా సాయం కోసం ఎదరు చూస్తున్న బ్రాహ్మణులెవరూ ఆందోళన చెందాల్సిన అవసరం లేదని ఈ పరిషత్ విజ్ఞప్తి చేసింది. హైదరాబాద్ (బొగ్గులకుంట) లోని ధార్మిక భవన్‌లో మంగళవారం జరిగిన తెలంగాణ బ్రాహ్మణ సంక్షేమ పరిషత్ సర్వసభ్య సమావేశంలో ఈ మేరకు ఒక తీర్మానాన్ని ఆమోదించారు.

హైదరాబాద్: తెలంగాణ రాష్ట్ర సమితి 17వ ప్లీనరీ ఏర్పాట్లను పర్యవేక్షించడానికి 9 కమిటీలను పార్టీ అధినేత, ముఖ్యమంత్రి కల్వకుంట్ల చంద్రశేఖర్‌రావు నియమించారు. ఈ కమిటీల్లో ప్లీనరీకి వేదికగా ఉన్న మేడ్చల్, రంగారెడ్డి జిల్లా ప్రజా ప్రతినిధులకు ప్రధాన భాగస్వామ్యం కల్పించారు. ప్లీనరీ ఆహ్వాన కమిటీ బాధ్యతలను రవాణాశాఖ మంత్రి మహేందర్‌రెడ్డి, ఎంపి మల్లారెడ్డికి అప్పగించారు. ఇతర కమిటీలకూ బాధ్యులను నియమించారు.

హైదరాబాద్, ఏప్రిల్ 10: తెలంగాణ జైళ్ల శాఖ అరుదైన అవకాశాన్ని దక్కించుకుంది. బ్యూరో ఆఫ్ పోలీస్ రీసెర్చ్ డెవలప్‌మెంట్ జైళ్ల నిర్వహణపై దేశవ్యాప్తంగా వర్క్‌షాప్‌లు నిర్వహించాల్సిందిగా తెలంగాణ జైళ్ల శాఖను కోరింది.

హైదరాబాద్, ఏప్రిల్ 10: మున్సిపల్ కార్మికుల వేతనాలు రాష్ట్ర ప్రభుత్వమే చొరవ తీసుకుని పెంచాలని టీన్‌టీయూసీ రాష్ట్ర అధ్యక్షుడు బిఎన్ రెడ్డి డిమాండ్ చేశారు. ప్రభుత్వం మున్సిపల్ కార్మికుల వేతనాలు పెంచేందుకు జీవో జారీ చేయకుండా మున్సిపల్ కార్పొరేషన్, మున్సిపాలిటీల మేయర్లు, చైర్మన్ల వేతనాలు పెంచుకునే ప్రయత్నం చేస్తున్నదని ఆయన మంగళవారం ఒక ప్రకటనలో విమర్శించారు.