హైదరాబాద్, ఏప్రిల్ 9: తెలంగాణ బ్రాహ్మణ సంక్షేమ పరిషత్ సర్వసభ్య సమావేశం మంగళవారం ఉదయం 11.30 గంటలకు నిర్వహిస్తున్నారు. హైదరాబాద్ (బొగ్గులకుంట) లోని ధార్మికభవన్‌లో ఈ సమావేశాన్ని ఏర్పాటు చేస్తున్నామని పరిషత్ అడ్మినిస్ట్రేటర్ యు. రఘురాం శర్మ తెలిపారు. పరిషత్ సభ్యులకు ఇప్పటికే సమాచారం అందించామని ఆయన వివరించారు.

హైదరాబాద్, ఏప్రిల్ 9: ప్రత్యక్ష అమ్మకాలకు తెలంగాణ ప్రభుత్వం చేయూతనివ్వడం హర్షణీయమని ఇండియన్ డైరెక్ట్ సెల్లింగ్ అసోసియేషన్ (ఐడీఎస్‌ఏ) చైర్మన్ వివేక్ అన్నారు. ప్రత్యక్షంగా విక్రయాలు జరుపుకునే వారి హక్కులను రక్షించేలా నియమనిబంధనలను రూపొందించినందుకు ప్రభుత్వానికి ప్రత్యేక కృతజ్ఞతలు తెలిపారు. ఫిక్కీ, ఐడీఎస్‌ఏ సంయుక్త ఆధ్వర్యంలో ప్రభుత్వ నిర్ణయాన్ని హర్షిస్తూ కార్యక్రమాన్ని నిర్వహించారు.

హైదరాబాద్, ఏప్రిల్ 8: మూత్ర సంబంధిత వ్యాధులకు సంబంధించి చికిత్సకోసం తెలంగాణ ప్రభుత్వం రాష్ట్రంలో 40 డయాలసిస్ కేంద్రాలను ప్రారంభించాలని గతంలోనే నిర్ణయించింది. ఇప్పటికే దాదాపు 20 ప్రాంతాల్లో డయాలసిస్ కేంద్రాలు ప్రారంభమయ్యాయి. మిగిలిన చోట్ల డయాలసిస్ కేంద్రాలను దశలవారీగా ప్రారంభిస్తున్నారు. ఇందులో భాగంగా వైద్య మంత్రి డాక్టర్ సి. లక్ష్మారెడ్డి సోమవారం నుండి ఐదుజిల్లాల్లో పర్యటిస్తున్నారు.

హైదరాబాద్, ఏప్రిల్ 8: సామాజిక ఉద్యమకారుడు మహాత్మ జ్యోతిబా పూలే చూపిన మార్గంలోనే ముఖ్యమంత్రి కేసీఆర్ నడుస్తున్నారని బీసీ సంక్షేమ సంఘం, అటవీ శాఖ మంత్రి జోగు రామన్న అన్నారు. ఆదివారం సచివాలయంలోని కాన్ఫరెన్స్ హాల్‌లో ఈనెల 11న నిర్వహించనున్న పూలే జయంతి వేడుకల పోస్టర్‌ను ఎంబీసీ చైర్మన్ తడూరి శ్రీనివాస్, ఉత్సవ కమిటీ చైర్మన్ గడ్డం సాయి కిరణ్‌లతోకలిసి ఆవిష్కరించారు.