హైదరాబాద్, ఏప్రిల్ 5: దేశంలో సహిత విద్య అమలులో అటు కేంద్రం, ఇటు రాష్ట్ర ప్రభుత్వాలు అన్యాయం చేస్తున్నాయని దివ్యాంగుల విద్యాభివృద్ధి జాతీయ కమిటీ కన్వీనర్ కల్పగిరి శ్రీను ఆరోపించారు. ప్రత్యేక అవసరాలున్న దివ్యాంగులైన పిల్లల విషయంలో కేంద్ర, రాష్ట్ర ప్రభుత్వాల నిర్లక్ష్య వైఖరి పోవాలని, ఇప్పటికైనా వారి అభివృద్ధిపై ప్రభుత్వాలు దృష్టిసారించాలని ఆయన కోరారు.

హైదరాబాద్, ఏప్రిల్ 5: ప్రజా వ్యతిరేక విధానాలతో పాలన సాగిస్తున్న టీఆర్‌ఎస్‌ను గద్దెదించేందుకు లోకిక, ప్రజాస్వామ్య, ప్రగతిశీల శక్తులను కలుపుకొని విశాల ఐక్య వేదికను ఏర్పాటు చేయనున్నట్టు సీపీఐ రాష్ట్ర కార్యదర్శి చాడ వెంకట్‌రెడ్డి తెలిపారు. రాష్ట్ర మహాసభల అనంతరం మొదటిసారిగా పార్టీ రాష్ట్ర కార్యాలయంలో ఏర్పాటు చేసిన విలేఖరుల సమావేశంలో చాడ మాట్లాడారు.

నిర్మల్, ఏప్రిల్ 4: ప్రభుత్వం ఎంతో ప్రతిష్టాత్మకంగా చేపట్టిన డబుల్‌బెడ్‌రూమ్ ఇళ్లను వచ్చే మార్చి నాటికి పూర్తిచేస్తామని రాష్ట్ర గృహనిర్మాణ, న్యాయ, దేవాదాయశాఖ మంత్రి అల్లోల ఇంద్రకరణ్‌రెడ్డి తెలిపారు. నిరుపేదలకు సొంతింటి కలను ప్రభుత్వం నెరవేరుస్తుందని హామీనిచ్చారు. నిర్మల్ జిల్లా ఎల్లపెల్లి గ్రామంలో నిర్మించిన డబుల్‌బెడ్‌రూమ్ ఇళ్లను బుధవారం మంత్రి ప్రారంభించారు.

ఖమ్మం, ఏప్రిల్ 4: ముఖ్యమంత్రి కేసీఆర్ అనుసరిస్తున్న రైతు వ్యతిరేక విధానాలతో రాష్ట్రంలో రైతుల ఆక్రందనలు ఎక్కువయ్యాయని సీఎల్‌పీ నాయకుడు కే జానారెడ్డి అన్నారు. ఖమ్మం జిల్లాలో అకాలవర్షం, పెనుగాలులకు దెబ్బతిన్న మొక్కజొన్న, మిరప, వరి పంటలను టీపీసీసీ వర్కింగ్ ప్రెసిడెంట్ భట్టి విక్రమార్క, ఎంఎల్‌సీ పొంగులేటి సుధాకర్‌రెడ్డితో కలిసి జానారెడ్డి బుధవారం పరిశీలించారు.