హైదరాబాద్, ఏప్రిల్ 3: తప్పుడు వార్తలు రాస్తే జర్నలిస్టుల అక్రిడిటేషన్ రద్దు చేయాలని కేంద్ర ప్రభుత్వం నిర్ణయం తీసుకోవడాన్ని ముఖ్యమంత్రి కె చంద్రశేఖర్‌రావు ఒక ప్రకటనలో తప్పుపట్టారు. పౌరుల హక్కులను భంగం కలగకుండానే పత్రికా స్వేచ్ఛను కాపాడాల్సిన బాధ్యత ప్రభుత్వంపై ఉంటుందన్నారు.

హైదరాబాద్, ఏప్రిల్ 3: రూఫ్ గార్డెన్ల కోసం ప్రభుత్వం అందిస్తున్న చేయూతను ప్రజలంతా పూర్తిగా వినియోగించుకోవాలని ఉద్యాన శాఖ కమిషనర్ ఎల్.వెంకటరామిరెడ్డి కోరారు. ఉద్యాన శాఖ కమిషనరేట్‌లో మంగళవారం ఆయన మీడియా ప్రతినిధుల సమావేశంలో మాట్లాడుతూ, రాజధానిలో 40 లక్షల ఇళ్లు ఉంటే ఆరువేల మంది మాత్రమే భవనాలపై కూరగాయలు సాగు చేస్తున్నారన్నారు.

హైదరాబాద్, ఏప్రిల్ 3: రాష్ట్ర ముఖ్యమంత్రి కె చంద్రశేఖర్ రావు ఘన చరిత్ర ఏమిటో తృణమూల్ కాంగ్రెస్ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీకి చెప్పానని ఏఐసీసీ నాయకుడు, మాజీ ఎంపీ వి హనుమంత రావు తెలిపారు. ఎన్నికలకు ముందు ఇచ్చిన హామీలను అమలు చేయకుండా రాష్ట్ర ప్రజలను ఎలా వంచిస్తున్నారో, ఇచ్చిన మాటకు కట్టుబడి ఉండకపోవడం గురించి వివరంగా చెప్పానని విహెచ్ మంగళవారం విలేఖరుల సమావేశంలో అన్నారు.

హైదరాబాద్, ఏప్రిల్ 3: రైతుబంధు పథకం కింద రైతులకు అందచేయాల్సిన ఆర్థిక సాయం కోసం రైతుల పేర్లతో కూడిన రెండోదశ జాబితాను ప్రభుత్వం మంగళవారం బ్యాంకర్లకు అందచేసింది. రెండో దశలో 4453 గ్రామాలకు సంబంధించిన 25.14 లక్షల మంది రైతుల పేర్లతో ఉన్న డేటాను బ్యాంకర్లకు వ్యవసాయ శాఖ ముఖ్యకార్యదర్శి సి. పార్థసారథి అందచేశారు. తొలిదశలో మూడు రోజుల క్రితం 3302 గ్రామాలకు చెందిన 16.36 లక్షల మంది రైతుల డేటాను అందించారు.