S ,7 à 8 RSCA (si SASPAS) et 6 cialis pharmacie cialis rapports de stage.
ఆటాపోటీ
క్రికెటర్లకే కాదు.. వాళ్లు వేసుకున్న జెర్సీలకూ రిటైర్మెంట్ ఉంటుంది. లెజెండరీ క్రికెటర్ సచిన్ తెండూల్కర్ గౌరవార్థం టీమిండియాలో అతను వేసుకున్న ‘నంబర్ 10’ జెర్సీని రద్దు చేయాలని, ఇకపై ఎవరికీ దానిని కేటాయించరాదని భారత క్రికెట్ నియంత్రణ బోర్డు (బీసీసీఐ) చేసిన సూచన జెర్సీలకూ రిటైర్మెంట్ తప్పదన్న విషయాన్ని స్పష్టం చేస్తున్నది.
అంతర్జాతీయ క్రికెట్లో వారసులు దూసుకొచ్చేస్తున్నారు. అండర్-19 వరల్డ్ కప్లో తమను తాము నిరూపించుకొని, జాతీయ జట్టులో స్థానంకోసం పోటీ పడేందుకు సిద్ధమవుతున్నారు. జనవరి 13 నుంచి ఫిబ్రవరి 3వ తేదీ వరకు న్యూజిలాండ్లో జరిగే అండర్-19 వరల్డ్ కప్లో చాలామంది దృష్టి ఆస్ట్రేలియా మాజీ కెప్టెన్ స్టీవ్ వా కుమారుడు ఆస్టిన్ వాపై కేంద్రీకృతమంది.
యూరోపియన్ ఫుట్బాల్ అంటేనే ఘర్షణలకు మారుపేరు. ఒక జట్టుతో మరో జట్టుకే కాదు.. ఒకే జట్టులోనూ ఒకరితో ఒకరికి పడదు. గిల్లికజ్జాలు, విమర్శలు, ప్రతివిమర్శలతో హోరెత్తిపోతుంది. కానీ, చెల్సియా ఆటగాడు ఎడెన్ హాజర్డ్ ఎంతో నిజాయితీగా వ్యవహరించి, తన ఔన్నత్యాన్ని చాటుకున్నాడు. హడెర్స్ఫీల్డ్తో జరిగిన మ్యాచ్లో చెల్సియా 3-1 తేడాతో గెలిచింది. విలియన్, పెడ్రో, తిమో బకాయోకో తలా ఒక గోల్ చేశారు.
క్రీడాకారులు, ముఖ్యంగా ఫుట్బాల్ ఆటగాళ్లు ఎప్పుడూ తీవ్రమైన ఒత్తిడితోనే ఉంటారు. వారు కంటినిండా నిద్ర కూడా పోలేదు. అందుకే, సమయం దొరికితే చాలు క్లబ్లకు, పబ్లకు వెళ్లి, పీకలదాకా తాగేస్తారు. అప్పటికీ వారికి నిద్ర రావడం కష్టమే. కానీ, మాంచెస్టర్ యునైటెడ్ స్టార్ ఆటగాడు రహీం స్టెర్లింగ్ మాత్రం వీరికి పూర్తి భిన్నంగా ఉంటాడు. క్షణాల్లో నిద్రపోవడం అతని అలవాటు.
ఒలింపిక్స్లో రెండేసిసార్లు చాంపియన్లుగా నిలిచిన ఉక్రెయిన్ హీరో వసిల్ లొమచెన్కొ, క్యూబా వీరుడు గులెర్మో రిండిక్స్ మధ్య బాక్సింగ్ పోరుపై అభిమానులు ఎన్నో ఆశలు పెట్టుకున్నారు. హోరాహోరీ పోరు జరుగుతుందన్న నమ్మకంతో న్యూయార్క్లో స్టేడియం ప్రేక్షకులతో కిక్కిరిసిపోయింది. ఇద్దరు బాక్సర్లు రింగ్లోకి అడుగుపెట్టడంతోనే ఆ ప్రాంతమంతా చప్పట్లు, నినాదాలతో మారుమోగింది.
ఈ ఏడాది కోహ్లీ చేరుకున్న మైలురాళ్లు, నెలకొల్పిన రికార్డులు అనన్యసామాన్యం. అతని సారథ్యంలో టీమిండియా ఒక్క ద్వైపాక్షిక టెస్టు, వనే్డ, టీ-20 ఇంటర్నేషనల్ సిరీస్లను కోల్పోలేదు. కెప్టెన్గానేగాక, బ్యాట్స్మన్గానూ అతను ఈ ఏడాది అత్యున్నత శిఖరాలను చేరుకున్నాడు. 10 టెస్టుల్లో 75.64 సగటుతో 1,059 పరుగులు సాధించాడు. ఈ స్కోరులో ఐదు శతకాలు ఉన్నాయి. 26 వనే్డల్లో అతను ఆరు శతకాల సాయంతో 1,460 పరుగులు చేశాడు.
విరాట్ కోహ్లీ అందుబాటులో లేనప్పుడు, శ్రీలంకతో జరిగిన వనే్డ, టీ-20 ఇంటర్నేషనల్స్లో టీమిండియాకు కెప్టెన్ హోదాలో సిరీస్లను అందించిన రోహిత్ శర్మ అరుదైన రికార్డులు సొంతం చేసుకున్నాడు. వనే్డల్లో డబుల్ సెంచరీలో స్పెషలిస్టుగా పేరు సంపాదించాడు. ఈ ఫార్మాట్లో ఇంతవరకూ ఎనిమిది డబుల్ సెంచరీలు నమోవదుకాగా, వాటిలో మూడు రోహిత్వే కావడం విశేషం.
ఎంతో మంది మేటి లిఫ్టర్లు డోప్ పరీక్షలో పట్టుబడి పరువు పోగొట్టుకున్న నేపథ్యంలో, ఈ ఏడాది గొప్ప ఊతాన్నిచ్చింది. ప్రపంచ చాంపియన్షిప్స్లో చారిత్రక విజయాన్ని సాధించిన మీరాబాయి చాను డోప్ దోషి కాకపోవడం మన దేశంలో వెయిట్లిఫ్టింగ్కు శుభసూచకంగా పేర్కోవాలి. ప్రపంచ డోపింగ్ నిరోధక విభాగం (వాడా) ఈ ఏడాది వెల్లడించిన డోప్ ఫలితాల్లో, అత్యధిక కేసులు నమోదైన దేశాల్లో భారత్ మూడో స్థానంలో ఉంది.
వనే్డ ఇంటర్నేషనల్స్ చరిత్రలో 350 లేదా అంతకంటే ఎక్కువ లక్ష్యాలను మూడు పర్యాయాలు సమర్థంగా ఛేదించిన తొలి జట్టుగా టీమిండియా రికార్డు నెలకొల్పింది. 2013 అక్టోబర్ 16న జైపూర్లో ఆస్ట్రేలియాపై 361 పరుగులు, అదే నెల 30న తిరిగి ఆస్ట్రేలియాపైనే నాగపూర్లో 351 పరుగులు చేసి భారత్ విజయాలను నమోదు చేసింది.
లండన్లోని కెన్నింగ్టన్ ఓవల్ మైదానంలో జస్ప్రీత్ బుమ్రా చేసిన ఒక పొరపాటు టీమిండియాకు చాంపియన్స్ ట్రోఫీని దక్కకుండా చేసింది. బుమ్రా ఓవర్లో పాకిస్తాన్ బ్యాట్స్మన్ ఫకర్ జమాన్ బ్యాట్కు తగులుతూ బంతి వికెట్కీపర్ మహేంద్ర సింగ్ ధోనీ చేతిలోకి వెళ్లింది. అయితే, అది నోబాల్ కావడంతో జమాన్ బతికిపోయాడు. ఆ తర్వాత అతను దూకుడుగా ఆడి సెంచరీ (114) సాధించాడు.