S ,7 à 8 RSCA (si SASPAS) et 6 cialis pharmacie cialis rapports de stage.
ఆటాపోటీ
* శ్రీలంక మాజీ కెప్టెన్ కుమార సంగక్కర ప్రపంచ కప్లో అరుదైన రికార్డును నమోదు చేశాడు. 2015 వరల్డ్కప్లో అతను ఏకంగా నాలుగు వరుస మ్యాచ్ల్లో సెంచరీలు సాధించాడు. సిడ్నీలో ఆస్ట్రేలియాపై 104 పరుగులు చేసిన అతను ఆతర్వాత వెల్లింగ్టన్లో ఇంగ్లాండ్పై 117 (నాటౌట్), బంగ్లాదేశ్పై మెల్బోర్న్లో 105 (నాటౌట్), హోబర్ట్లో స్కాట్లాండ్పై 124 చొప్పున పరుగులు చేశాడు.
* ఒకే టెస్టులో మూడు సెంచరీలు! విచిత్రంగా ఉంది కదూ. అత్యంత అరుదైన రికార్డు ఆస్ట్రేలియా మాజీ కెప్టెన్ రికీ పాంటింగ్ పేరుపై ఉంది. 2006 జనవరిలో దక్షిణాఫ్రికాతో సిడ్నీలో జరిగిన మ్యాచ్ మొదటి ఇన్నింగ్స్లో 120 పరుగులు చేసిన అతనికి కెరీర్లో అది వందో టెస్టు. మొత్తం మీద వందో టెస్టులో, రెండు ఇన్నింగ్స్లో రెండు శతకాలు సాధించిన పాంటింగ్ ఖాతాలో మూడు సెంచరీలు చేరినట్టే కదా!
* భుజానికీ కాలికీ తేడా లేదా? మిగతా ఎవరికైనా తేడా ఉందేమోగానీ, ఆస్ట్రేలియా అంపైర్ డారిల్ హార్పర్కు మాత్రం రెండూ ఒకటే. భారత జట్టు 1999-2000 సీజన్లో ఆస్ట్రేలియా పర్యటనకు వెళ్లినప్పుడు చోటు చేసుకున్న సంఘటన దీనికి ఓ ఉదాహరణ. సచిన్ తెండూల్కర్ ఇంకా పరుగుల ఖాతాను తెరవకముందే, గ్లేన్ మెక్గ్రాత్ వేసిన బంతి అతని భుజానికి తగిలింది.
* భారత మాజీ కెప్టెన్ సౌరవ్ గంగూలీ మిగతా విషయాల్లో ఎలావున్నా, టాస్కు వెళ్లేందుకు మాత్రం బద్దకించేవాడు. ప్రత్యర్థి జట్ల కెప్టెన్లు టాస్ కోసం వెళ్లి మైదానంలో చాలాసేపు వేచిచూస్తున్నా అతని జాడ ఉండేది కాదు. 2001లో భారత సిరీస్కు ఆస్ట్రేలియా వచ్చినప్పుడు కూడా గంగూలీ తన వైఖరిని స్టీవెన్ వాకు రుచిచూపాడు.
* మ్యాచ్లు ఆడే ఏ జట్టుకైనా క్రీడాస్ఫూర్తి అత్యవసరం. లేకపోతే, వాగ్వాదాలు, ఘర్షణలు చోటు చేసుకుంటాయి. మైదానాలు యుద్ధ భూముల్లా మారిపోతాయ. 2008లో ఆస్ట్రేలియా పర్యటనకు వెళ్లినప్పుడు, అప్పటి జట్టులో కీలక స్పిన్నర్గా ఉన్న ప్రస్తుత కోచ్ అనిల్ కుంబ్లే చాలా సందర్భాల్లో అసహనానికి గురయ్యాడు. ఆస్ట్రేలియా క్రికెటర్లు అనుసరించిన వైఖరితో విసుగెత్తిపోయాడు.
ఇరు జట్ల మధ్య జరిగిన టెస్టుల్లో అత్యధిక పరుగులు చేసిన బ్యాట్స్మన్ సచిన్ తెండూల్కర్. అతను ఆస్ట్రేలియాతో 39 టెస్టులు (74 ఇన్నింగ్స్) ఆడి 3,630 పరుగులు చేశాడు. 8 పర్యాయాలు నాటౌట్గా ఉన్న అతని అత్యధిక స్కోరు 241 (నాటౌట్). 11 శతకాలు, 16 అర్ధ శతకాలు సాధించాడు. నాలుగుసార్లు డకౌటయ్యాడు. కాగా, ఆస్ట్రేలియా ఆటగాడు రికీ పాంటింగ్ రెండో స్థానాన్ని ఆక్రమించాడు.
ఆస్ట్రేలియా మాజీ బ్యాట్స్మన్ మైఖేల్ స్లాటర్కు నోటి దురుసు ఎక్కువ. స్లెడ్జింగ్కు అతను అందరి కంటే ముందుంటాడు. 2001లో జరిగిన ముంబయి టెస్టులో అతని వైఖరి సర్వత్రా విమర్శలకు గురైంది. ‘ది వాల్’గా పేరుపొందిన రాహుల్ ద్రవిడ్ ఒక బంతిని పుల్ షాట్ కొట్టేందుకు ప్రయత్నించాడు. కానీ అది సరిగ్గా కనెక్ట్ కాలేదు. స్లాటర్ డైవ్ చేసి, బంతిని పట్టుకున్నాడు. తాను క్యాచ్ పట్టినట్టు అతను అప్పీల్ చేశాడు.
ఒక టెస్టు ఇన్నింగ్స్లో, అత్యధిక స్కోర్ల విషయంలో ఆస్ట్రేలియాపై భారత్దే పైచేయి. 2004 జనవరిలో జరిగిన సిడ్నీ మ్యాచ్లో భారత్ ఏడు వికెట్లకు 705 పరుగుల స్కోరువద్ద ఇన్నింగ్స్ను డిక్లేర్ చేసింది. అయితే, రెండు, మూడు స్థానాలు ఆసీస్ దక్కించుకుంది. 1948 జనవరిలో జరిగిన అడెలైడ్ టెస్టులో ఆసీస్ 674 పరుగులు సాధించింది. 2012 జనవరిలో ఆసీస్ సిడ్నీ టెస్టులో నాలుగు వికెట్లకు 659 పరుగుల భారీ స్కోరు సాధించింది.
ప్రత్యర్థులను హేళన చేసి లేదా దుర్భాషలాడి, వారి ఆత్మవిశ్వాసాన్ని దెబ్బతీయడానికి ప్రయత్నించడానే్న క్రికెట్ పరిభాషలో స్లెడ్జింగ్ అంటారు. అన్ని జట్లతో పోలిస్తే ఆస్ట్రేలియా జట్టు స్లెడ్జింగ్లో ముందుంటుంది. ఆసీస్ను చూస్తే మిగతా జట్లు భయపడతాయ. భారత్ మాత్రం ఎదురుదాడికి సిద్ధంగా ఉంది.
భారత క్రికెట్ నియంత్రణ బోర్డు (బిసిసిఐ) ప్రక్షాళన మొదలైంది. అధ్యక్షుడు అనురాగ్ ఠాకూర్, కార్యదర్శి అజయ్ షిర్కేలపై వేటు వేసిన సుప్రీం కోర్టు తాజాగా నలుగురు పాలనాధికారులను నియమించడంతో బోర్డు స్వరూపం మారింది.