S ,7 à 8 RSCA (si SASPAS) et 6 cialis pharmacie cialis rapports de stage.
ఆటాపోటీ
2016లో అద్భుతాలు సృష్టించి, భారత క్రీడా రంగంపై తమ ప్రత్యేకతను చాటుకున్న పలువురు స్టార్లు కొత్త సంవత్సరంలోనూ దేశ కీర్తి ప్రతిష్ఠలను ఇనుమడింప చేయడానికి సిద్ధంగా ఉన్నారు. వీరి అపూర్వమైన ప్రతిభాపాటవాలు ఎంతో మంది యువతీయువకులకు స్ఫూర్తిదాయకంగా నిలుస్తున్నాయ.
* రియో ఒలింపిక్స్ రెజ్లింగ్‌లో సాక్షి మాలిక్ కాంస్య పతకాన్ని కైవసం చేసుకుంది. ఆమెకు యావత్ దేశం జేజేలు పలికింది. అయితే, రియోకు వెళ్లిన రెజ్లర్లలో తప్పనిసరిగా పతకాన్ని సాధించే సత్తా ఉందన్న పేరు మాత్రం వినేష్ ఫొగట్‌కు మాత్రమే పరిమితమైంది. ‘్ఫగట్ సిస్టర్స్’లో బబిత, గీత తర్వాత ఆ స్థాయిలో రాణించే సత్తావున్న రెజ్లర్ వినేష్. రియోలో మహిళల 48 కిలోల విభాగంలో ఆమె హాట్ ఫేవరిట్‌గానే బరిలోకి దిగింది.
ఈ ఏడాది క్రీడా ప్రపంచాన్ని శాసించిన వారి జాబితాలో మొదటి రెండు స్థానాలు అమెరికా స్టార్ స్విమ్మర్ మైఖేల్ ఫెల్ప్స్, స్ప్రింట్ రారాజు ఉసేన్ బోల్ట్‌కే దక్కుతాయి. రియో ఒలింపిక్స్‌లో ఫెల్ప్స్ ఐదు స్వర్ణాలు, ఒక రజతంతో కలిసి మొత్తం ఆరు పతకాలు సాధించాడు. మరెవరికీ సాధ్యంకాని రీతిలో అతను మొత్తం 28 ఒలింపిక్ పతకాలను గెల్చుకొని, తనకు తిరుగులేదని నిరూపించుకున్నాడు. వాటిలో 23 స్వర్ణాలు.
జూనియర్ హాకీ ప్రపంచ కప్ చాంపియన్‌షిప్‌ను భారత్ కైవసం చేసుకుంది. 15 సంవత్సరాల సుదీర్ఘ విరామం తర్వాత మన దేశానికి మళ్లీ ఈ టైటిల్ దక్కింది. హర్జీత్ సింగ్ నాయకత్వంలో భారత్ ఫైనల్‌లో బెల్జియంను 3-2 తేడాతో ఓడించింది.
ఈఏడు అంతర్జాతీయ క్రీడా రంగాన్ని అమెరికా స్విమ్మర్ మైఖేల్ ఫెల్ప్స్, జమైకా స్ప్రింటర్ ఉసేన్ బోల్ట్ ఏలితే, మన దేశానికి సంబంధించినంత వరకూ తెలుగు అమ్మాయి పివి సింధుదే అగ్రస్థానం. రాజీవ్ ఖేల్ రత్న అవార్డును అందుకున్న ఈ హైదరాబాదీ లక్షలాది మందికి రోల్ మోడలైంది.
రియో ఒలింపిక్స్‌లో పతకాలు సాధిస్తారని అభిమానులు కోటి ఆశలతో ఎదురు చూస్తుండగా, ఒక్కొక్కరే చేతులెతేస్తుంటే, పతకాల ఖాతాను తెరవకుండా దిగాలు పడిన భారత్‌ను సాక్షి మాలిక్ ఆదుకుంది. అప్పటి వరకూ అన్ని విభాగాల్లోనూ భారత అథ్లెట్లు నిరాశ పరిచారు. అయతే, మహిళల 58 కిలోల ఫ్రీస్టయిల్‌లో రెజ్లింగ్‌లో సాక్షి కాంస్య పతకాన్ని సాధించి దేశ పరువును నిలిపింది.
ఒలింపిక్స్‌లో జిమ్నాస్ట్ దీపా కర్మాకర్ పతకం సాధించడంలో విఫలైంది. ఎంత కష్టపడినా ఫలితం లేక, నాలుగో స్థానంతో సంతృప్తి చెందింది. అయతే, ఆమె పోరాట పటిమకు యావత్ దేశం నీరాజనాలు పలికింది. అత్యంత క్లిష్టమైన ‘ప్రొడునొవా’ విన్యాసాన్ని ప్రదర్శించిన ఆమె వాల్ట్ విభాగంలో తృటిలో కాంస్యన్ని కోల్పోయిన వైనాన్ని కోట్లాది మంది భారతీయులు టీవీల్లో ఉత్కంఠతో చూశారు.
ప్రపంచ కబడ్డీ చాంపియన్‌షిప్ టైటిల్‌ను భారత్ వరుసగా మూడోసారి గెల్చుకొని హ్యాట్రిక్ సాధించింది. మొత్తం మీద ఈ టైటిల్‌ను అందుకోవడం మన దేశానికి ఇది ఎనిమిదోసారి. ఇరాన్‌తో జరిగిన ఫైనల్‌లో 38-29 తేడాతో విజయం సాధించి, అంతర్జాతీయ కబడ్డీలో తనకు తిరుగులేదని మరోసారి రుజువు చేసుకుంది. సూపర్ టెన్‌ను సాధించిన అజయ్ ఠాకూర్ భారత్ విజయంలో కీలక భూమిక పోషించాడు.
అత్యున్నత క్రీడా పురస్కారం ఖేల్త్న్రకు సింధు, సాక్షి, దీప ఎంపిక కావడం పట్ల ఎవరికీ అభ్యంతరాలు లేవు. కానీ, షూటర్ జీతూ పేరు ఈ జాబితాలో చేరడం మాత్రం అందరినీ ఆశ్చర్యానికి గురి చేసింది. రియో ఒలింపిక్స్‌లో సింధు, సాక్షి పతకాలను సాధించగా, దీప తుది వరకూ పోరాడింది. అందుకే ఈ ముగ్గురికీ ఖేల్ రత్న అవార్డును ముందుగా ఊహించిందే.
భారత బృందం అట్టహాసంగా రియో డి జెనీరోకు బయలుదేరింది. గతంలో ఎన్నడూ లేని విధంగా 118 మంది రియో వెళ్లారు. ఒలింపిక్స్‌కు ముందే డోపింగ్ సమస్య భారత క్రీడా రంగాన్ని ఉక్కిరిబిక్కిరి చేసింది. బీజింగ్‌లో కాంస్యం, లండన్‌లో రజత పతకాలను గెల్చుకున్న సుశీల్ కుమార్‌ను పక్కకునెట్టేసి, రియోలో పోటీపడే అవకాశాన్ని చేజిక్కించుకున్న నర్సింగ్ పంచమ్ యాదవ్ డోపింగ్ పరీక్షలో విఫలం కావడం అందరినీ దిగ్భ్రాంతికి గురి చేసింది.