S ,7 à 8 RSCA (si SASPAS) et 6 cialis pharmacie cialis rapports de stage.
ఆటాపోటీ
పార్క్ డెస్ ప్రినె్సస్ మైదానంలో పారిస్ సెయింట్ జర్మెయిన్, రెనెస్ జట్ల మధ్య పోరు ఆసక్తికరంగా సాగుతున్నది. గత అనుభవాలను దృష్టిలో ఉంచుకొని అధికారులు పటిష్టమైన భద్రతా ఏర్పాట్లు చేశారు. ఎవరెన్ని ఆటంకాలు సృష్టిస్తేనేం.. మేం అనుకున్నది సాధిస్తాం.. అంటూ పారిస్ సెయింట్ వీరాభిమానులు ఇద్దరు మైదానంలోకి పరుగులు తీశారు. నిన్జా వేషాల్లో ఉన్న వారిని పట్టుకోవడానికి భద్రతా సిబ్బంది కూడా పరుగు లంఘించుకున్నారు.
ఈ ఏడాది చెల్సియా ఫుట్బాల్ క్లబ్ సూపర్ స్టార్, కెప్టెన్ జాన్ టెర్రీ రిటైర్మెంట్ ప్రకటించడం ఊహించిందే. కానీ, 19 సంవత్సరాల సుదీర్ఘ కాలం ఒకే క్లబ్కు సేవలు అందించిన అతను చివరి మ్యాచ్ ఆడే సమయం రాగానే అభిమానులు కన్నీరు మున్నీరయ్యారు. చివరి మ్యాచ్లో అతను సబ్స్టిట్యూట్గా 26వ నిమిషంలో మైదానికి వచ్చినప్పుడు, స్టామ్ఫోర్ట్ స్టేడియం మొత్తం హర్షధ్వానాలతో మారుమోగింది.
క్రీడల్లో ఫిట్నెస్కు ప్రాధాన్యం పెరిగింది. శారీరకంగా ఎలాంటి సమస్యలు లేనప్పుడే, క్రీడా రంగంలో రాణిస్తారనే వాస్తవాన్ని అథ్లెటిక్స్, ఫుట్బాల్, రగ్బీ సమాఖ్యలు చాలా కాలం క్రితమే గుర్తించగా, క్రికెట్లోకి ఈ ఒరవడి ఆలస్యంగా అడుగుపెట్టింది. ఫిట్నెస్కు ప్రామాణికంగా పేర్కొనే యోయో టెస్టు కూడా క్రికెట్కు కొత్తే. భారత్కు ఇది మరీ కొత్త. నిన్నమొన్నటి వరకూ భారత క్రికెటర్లది ఇష్టారాజ్యంగా కొనసాగింది.
క్రీడా రంగంలో వ్యక్తులకే కాదు.. జట్లకూ కొన్ని నమ్మకాలు ఉంటాయని బెల్జియం హాకీ జట్టు నిరూపించింది. ఆ జట్టు ఆటగాళ్లు వింతగా ప్రవర్తించారని కొంత మంది విమర్శిస్తున్నప్పటికీ, ఇలాంటి నమ్మకాలు క్రీడల్లో సహజమేనని చాలా మంది తేలిగ్గా తీసుకుంటున్నారు. అయితే, వాళ్లు వాళ్లు చేసిన పని హోటల్ మేనేజ్మెంట్కు, అధికారులకు ముచ్చెమటలు పోయించింది.
రగ్బీ మ్యాచ్ని ఎప్పుడైనా చూశారా? కనీసం ఆరు అడుగుల ఎత్తు, అంతులేని కండబలంతో ఒకరిపై ఒకరు పడుతూ, బంతి కోసం చేసే యుద్ధం చూడడానికే భయం వేస్తుంది. ఎవరి కాళ్లూ చేతులూ విరుగుతాయో, ఎంతటి తీవ్రమైన గాయాలు తగులుతాయోనని వణకిపోతాం. రెజ్లర్లను మించి బలం ఉంటేనే రగ్బీలో రాణించగలుతారు. కానీ, అమెరికా హెరిటేజ్ స్కూల్ తరఫున ఆడుతున్న ఆడం రీడ్ ఎత్తు కేవలం 4.5 గడుగులే.
పోలాండ్కు చెందిన మిచాలినా బొరోవిక్ జెర్డెజ్ వయసు 81 ఏళ్లు. అయితేనేం.. కారును తానే డ్రైవ్ చేస్తుంది. సబురు డబ్ల్యూఆర్ఎక్స్ ఎస్టీఐ కారులో వేగంగా దూసుకెళ్లే జెర్డెజ్కు కారు రేసులన్నా ఎంతో ఇష్టం. కార్లను నడపడమేకాదు.. పోటీలకు కూడా సిద్ధమవుతున్న ఈ బామ్మగారి సరదా ఏమిటోనని అంతా ముక్కుమీద వేళ్లేసుకుంటున్నారు. ఎవరు ఏమనుకున్నా.. జెర్డెజ్ కారు షోకు మాత్రం రోజురోజుకూ పెరుగుతున్నదే తప్ప తగ్గడం లేదు.
ఇంగ్లాండ్కు చెందిన జేమ్స్ సదర్టన్కు క్రికెట్ అంటే ఎంతో ఇష్టం. క్లబ్ స్థాయి పోటీల్లో తరచు ఆడేవాడు. జాతీయ జట్టులో స్థానం కోసం చాలాకాలం ఎదురుచూశాడు. చివరికి అతనికి అవకాశం రానేవచ్చింది. 1877లో ఆస్ట్రేలియాపై అతను టెస్టుల్లో అరంగేట్రం చేశాడు. అప్పటికి అతని వయసు 49 సంవత్సరాల, 119 రోజులు కావడం విశేషం. అంత ఎక్కువ వయసులో టెస్టు క్రికెట్లోకి అడుగుపెట్టిన ఆటగాడు ఇప్పటి వరకూ మరొకరు లేరు.
ఎవరైనా సరే ఫస్ట్క్లాస్ మ్యాచ్ల్లో అద్భుతంగా రాణించి, టెస్టుల్లోకి రావడం సహజం. అందుకే, టెస్టులతో పోలిస్తే ఫస్ట్క్లాస్ క్రికెట్లోనే వారి తొలి సెంచరీలు, హాఫ్ సెంచరీలు ఉంటాయి. కానీ, ఇద్దరు టేలర్లు మాత్రం ఫస్ట్క్లాస్ క్రికెట్లో అర్ధ శతకాన్ని నమోదు చేయకుండానే, టెస్టులో తొలి సెంచరీని సాధించారు. 1965లో న్యూజిలాండ్ క్రికెటర్ బ్రూస్ టేలర్ టెస్టులోనే తన మొదటి శతకాన్ని చేశాడు.
శ్రీలంకతో జరిగిన మూడు మ్యాచ్ల టెస్టు సిరీస్లో టీమిండియా, కెప్టెన్ విరాట్ కోహ్లీ ఫుల్ జోష్ కొనసాగించడం అభిమానులను ఉర్రూతలూగించింది. కోహ్లీ అద్వితీయ ప్రతిభను కనబరిస్తే, అతనిని స్ఫూర్తిగా తీసుకొని యావత్ జట్టు అద్భుత ప్రదర్శనతో ఆకట్టుకుంది. రికార్డుల మీద రికార్డులు సృష్టించిన ఈ సిరీస్ కోహ్లీకి చిరస్మరణీయ అనుభూతులను మిగిల్చి ఉండవచ్చు.
కొంతమంది క్రికెటర్లకు వారు కోరుకుంటున్నట్టు విశ్రాంతినివ్వాలా? ఒక మ్యాచ్ లేదా సిరీస్లో ఆడడం, ఆడకపోవడం వారి ఇష్టమేనా? నిజానికి క్రికెటర్లకు విశ్రాంతి అవసరమా? ఇటీవల కాలంలో తెరపైకి వచ్చిన ప్రశ్నలివి. అవిశ్రాంతంగా ఆడుతున్నందున శారీరకంగా, మానసికంగా అలసిపోయానని, కాబట్టి విశ్రాంతి ఇవ్వాలని టీమిండియా కెప్టెన్ విరాట్ కోహ్లీ అనడం కొత్త వివాదానికి తెరదీసింది.