S ,7 à 8 RSCA (si SASPAS) et 6 cialis pharmacie cialis rapports de stage.

ఆటాపోటీ

11/18/2017 - 18:17

సర్ డొనాల్డ్ బ్రాడ్‌మన్ ఆస్ట్రేలియాలోనేగాక, ప్రపంచంలోనే అత్యుత్తమ ఆటగాళ్లలో ఒకడిగా పేరు తెచ్చుకున్నాడు. యాషెస్ సిరీస్‌లో ఎన్నో రికార్డులు అతని ఖాతాలో చేరాయి. అయితే, బీర్లు తాగడంలో డేవిడ్ బూన్ నెలకొల్పిన రికార్డును ఎవరూ ఛేదించలేకపోతున్నారు. 1980 దశంలో ఆసీస్ జట్టులో కీలక బ్యాట్స్‌మన్‌గా సేవలు అందించిన బూన్‌కు బీర్లంటే ఎంతో ఇష్టం.

11/18/2017 - 18:15

బాడీలైన్’ వ్యూహంలో భాగస్వామినైనందుకు ఇంగ్లాండ్ పేసర్ హరాల్డ్ లార్‌వుడ్ ఎంతో బాధపడ్డాడు. కెప్టెన్ డగ్లస్ జార్డిన్ ఆదేశాల మేరకే ఆస్ట్రేలియా బ్యాట్స్‌మెన్ శరీరాలే లక్ష్యంగా బంతులు వేసిన అతను ఆ తర్వాత చాలా సందర్భాల్లో తాను తప్పు చేశానని వాపోయాడు. అంతేకాదు, ఆ టూర్ తర్వాత మళ్లీ అతను ఇంగ్లాండ్ జట్టుకు ప్రాతినిథ్యం వహించలేదు.. అసలు ఇంగ్లాండ్‌లోనే ఉండలేదు..

11/18/2017 - 18:13

యాషెస్ సిరీస్‌లో ఆడిన వారిలో ఎక్కువ వయసున్న ఆటగాడిగా జేమ్స్ సదర్టన్ రికార్డు నెలకొల్పాడు. 1877లో ఆస్ట్రేలియాపై ఆడినప్పుడు అతని వయసు 49 సంవత్సరాలు. ఆ రికార్డు ఇంతవరకూ ఎవరూ బద్దలు చేయలేకపోయారు.

11/18/2017 - 18:12

యాషెస్‌లో కెప్టెన్‌గా ఎక్కువ మ్యాచ్‌లు ఆడిన వారి జాబితాలో అగ్రస్థానం అలాన్ బార్డర్‌కు దక్కుతుంది. అతను 28 మ్యాచ్‌ల్లో ఆస్ట్రేలియాకు సారథ్యం వహించాడు. ఆర్చీ మెక్‌లారెన్ (ఇంగ్లాండ్) 22 టెస్టులతో రెండో స్థానంలో ఉండగా, ఆసీస్‌కు చెందిన డాన్ బ్రాడ్‌మన్, రికీ పాంటింగ్ చెరి 19 మ్యాచ్‌ల్లో కెప్టెన్సీ వహించి, సంయుక్తంగా మూడో స్థానాన్ని పంచుకుంటున్నారు.

11/11/2017 - 20:04

భారత్, శ్రీలంక జట్ల మధ్య 1982లో జరిగిన మొదటి టెస్టు డ్రాగా ముగిసింది. 1985లో మూడు మ్యాచ్‌ల టెస్టు సిరీస్‌ను శ్రీలంక 1-0 తేడాతో గెల్చుకుంది. 1986-87 సీజన్‌లో మూడు మ్యాచ్‌ల సిరీస్‌ను భారత్ 2-0 తేడాతో కైవసం చేసుకుంది. లంకపై భారత్‌కు అదే తొలి విజయం. ఆతర్వాత భారత్ వరుసగా మరో మూడు (1990, 1993, 1994) సిరీస్‌లను తన ఖాతాలో వేసుకుంది. 1997, 1998 సంవత్సరాల్లో జరిగిన రెండు సిరీస్‌లు డ్రా అయ్యాయి.

11/11/2017 - 20:00

భారత్, శ్రీలంక జట్ల మధ్య జరిగిన టెస్టుల్లో బౌలర్లు రెండు వందలు లేదా అంతకు మించి పరుగులిచ్చిన సంఘటనలు ఐదు పర్యాయాలు నమోదయ్యాయి. ఒక ఇన్నింగ్స్‌లో భారీగా పరుగులిచ్చిన రికార్డు భారత స్పిన్నర్ రాజేష్ చౌహాన్‌ది. 1997 కొలంబో టెస్టులో అతను 76 ఓవర్లు వేసి, కేవలం ఒక వికెట్ సాధించాడు. 276 పరుగులు సమర్పించుకున్నాడు.

11/11/2017 - 19:58

క్రికెట్ ప్రపంచంలో సచిన్ తెండూల్కర్‌ను మించిన బ్యాట్స్‌మన్ లేడు. ఎన్నో రికార్డులను తన ఖాతాలో వేసుకున్న సూపర్ సచిన్ భారత్, శ్రీలంక జట్ల మధ్య జరిగిన టెస్టుల్లో ఎక్కువ పరుగులు చేసిన బ్యాట్స్‌మన్ జాబితాలోనూ అగ్రస్థానాన్ని ఆక్రమించాడు. లంకతో 25 టెస్టుల్లో 36 ఇన్నింగ్స్ ఆడిన అతను మూడు పర్యాయాలు నాటౌట్‌గా నిలిచి, 1,995 పరుగులు సాధించాడు. లంకపై అతని అత్యధిక స్కోరు 203 పరుగులు.

11/11/2017 - 19:57

టెస్టుల్లో అత్యధిక వికెట్లు పడగొట్టిన బౌలర్‌గా ప్రపంచ రికార్డు నెలకొల్పిన స్టార్ స్పిన్నర్ ముత్తయ్య మురళీధరన్ భారత్‌పై కూడా అద్భుతంగా రాణించాడు. ఇరు జట్ల బౌలర్లలో వందకుపైగా వికెట్లు సాధించిన ఏకైక బౌలర్‌గా గుర్తింపు సంపాదించాడు. భారత్‌తో 22 మ్యాచ్‌లు ఆడిన అతను 105 వికెట్లు సాధించాడు. అనిల్ కుంబ్లే 74, హర్భజన్ సింగ్ 53 వికెట్లతో రెండు, మూడు స్థానాల్లో ఉన్నారు.

11/11/2017 - 19:55

భారత్, శ్రీలంక జట్ల మధ్య ఇంత వరకూ జరిగిన టెస్టుల్లో, ఒక ఇన్నింగ్స్‌లో అత్యధిక పరుగులు చేసిన బ్యాట్స్‌మెన్‌గా సనత్ జయసూర్య రికార్డు పుస్తకాల్లోకి ఎక్కాడు. 1997 కొలంబో టెస్టులో అతను 578 బంతులు ఎదుర్కొని, 36 ఫోర్లు, రెండు సిక్సర్లతో 340 పరుగులు సాధించాడు. భారత ఓపెనర్ వీరేందర్ సెవాగ్ 293, మహేల జయవర్ధనే 275 పరుగులతో ద్వితీయ, తృతీయ స్థానాలను ఆక్రమించారు.

11/11/2017 - 19:41

రికార్డు ధరకు బార్సిలోనా నుంచి ప్రత్యేకంగా పిలిపించుకున్న బ్రెజిల్ సాకర్ స్టార్ నేమార్ వల్ల పారిస్ సెయింట్ జెర్మెయిన్ (పిఎస్‌జి)కు లాభం కంటే నష్టమే ఎక్కువన్న అనుమానం వ్యక్తమవుతుంది. అందుకు కారణం లేకపోలేదు. ఇన్నాళ్లూ పిఎస్‌జి చీఫ్ కోచ్‌గా తిరుగులేని పట్టును కొనసాగిస్తూ, ఆటగాళ్లను తన కనుసన్నల్లో ఉంచుకోగలిగిన ఉనాయ్ ఎమెరీకి నేమార్ రాకతో సమస్యలు మొదలయ్యాయి.

Pages