రచయిత్రి సుజలగంటివారు రచించిన ఈ అమృత వాహిని నవలకు ఆంధ్రభూమి సచిత్ర వారపత్రిక నిర్వహించిన 2014 ఉగాది నవలల పోటీలో ద్వితీయ బహుమతి లభించింది. కేవలం తనకోసం తాను బ్రతకటం కాదు, తన వాళ్లకోసం బ్రతకటమే గొప్ప అన్న అద్భుత సూత్రాన్ని ఈ నవలలో రచయిత్రి ప్రస్ఫుటంగా చెబుతుంది. చివరకు తన వాళ్లంతా పరాయివాళ్లు అయినప్పుడూ, అనాథలను చేరదీసి వాళ్ల ఆనందంలో జీవిత పరమార్థాన్ని కనుగొన్న అమృతమూర్తి కథ ఇది.

వింజమూరి సీత, అనసూయ అనే అక్కచెల్లెళ్లు ఒకప్పుడు, తమ జానపద గీతాలతో ఆంధ్ర దేశాన్ని ఉర్రూతలూగించారు. వారిలో అనసూయ పెద్దది. ఆమె లలిత సంగీత స్వరకర్త. ఆమె నా గురించి నేనే అంటూ తమ గురించి కొంత చెప్పుకున్నారు. ఆత్మకథలు చెప్పుకోవడంలో రెండు పద్ధతులున్నాయి. కొందరు తమ గురించి చెపుతూనే, ఆయా సంఘటనల ఆధారంగా తాము కలిసిన ఇతరులు, చూచిన ప్రాంతాలు, సంఘటనల గురించి వివరిస్తారు.

‘కవిత క్లుప్తంగా ఉన్నా, దీర్ఘంగా ఉన్నా రస నిష్పత్తి కల్గించినప్పుడు అది కవితే అవుతుంది. కవిత అనే పదార్థం ముఖ్యంగానీ దాని ఆకారవికారాలు ముఖ్యం కాదు. చదవగానే ఇట్టే పట్టుబడదు కవి హృదయం. పునః పఠనీయమైనప్పుడే అది కవిత అవుతుంది’ అంటారు కవి దాశరథి.

కార్తీక పౌర్ణమి
(స్వప్న మధురిమలు)
వెల: అమూల్యం
ప్రతులకు: అన్ని ప్రముఖ పుస్తక కేంద్రాలలో