నల్లధనం నిర్మూలనకు, జమలేని సొమ్మును నిరోధించేందుకు కేంద్రం ప్రవేశపెట్టిన పెద్ద నోట్ల రద్దుతో గ్రామీణ జీవితం అస్తవ్యవస్తమైంది. కొత్తలో పెద్దనోట్ల రద్దును ఆహ్వానించిన వర్గాలు ఇప్పుడు వ్యతిరేకిస్తున్నాయి. భారతదేశంలో 75 శాతం మంది వ్యవసాయం మీధ ఆధరాపడి జీవిస్తుంటారు. వీరిలో చాలా మందికి అకౌంట్లు లేవు. ఒకవేళ ఉన్నా, వాటిల్లో కష్టార్జితం ఉంటుంది.

పెద్దనోట్ల రద్దుపై ప్రధాని తీసుకున్న నిర్ణయాన్ని సమర్థిస్తున్నాం. కానీ ముందస్తు చర్యలేమీ తీసుకోకపోవడంతో కొన్ని ఇబ్బందులు ఎదురవుతున్నాయి. దేశ ప్రయోజనాల దృష్ట్యా రూ.1000, రూ.500 నోట్లు రద్దు చేయడం, నకిలీ కరెన్సీని అరికట్టగలగడమే. పెద్దనోట్ల రద్దుకు ముందే ప్రత్యామ్నాయంగా ఎటిఎం, బ్యాంకుల్లో సరిపడు కొత్త కరెన్సీని ఏర్పాటు చేసుకొని పాత కరెన్సీ రద్దు ప్రకటన చేస్తే బాగుండేది.

నోట్ల పాట్లు ఇప్పట్లో తీరేలా లేదు. కేంద్ర ప్రభుత్వం సదుద్దేశంతో పాత 500, వెయ్యి రూపాయల నోట్లను అకస్మాత్తుగా రద్దు చేయడంతో పాటు ప్రజలు తమ వద్ద ఉన్న పాత నోట్లను డిపాజిట్ చేసేందుకు, తిరిగి నగదు తీసుకునేందుకు ఆంక్షలు విధించడంతో దేశం ఒక్కసారిగా ఉలిక్కిపడింది.

పెద్ద నోట్లను రద్దు చేసే సమయంలో ప్రభుత్వం ప్రజల ఇబ్బందులను దృష్టిలో పెట్టుకోవలసింది. నిర్ణయాన్ని మేం వ్యతిరేకించడం లేదు, అమలు చేసిన విధానం బాగాలేదు. 120 కోట్ల మంది ప్రజలు ఉన్న దేశంలో హఠాత్తుగా నోట్లు చెల్లవు అని ప్రకటించడంతో పేదలు, సామాన్యులు, దినసరి కూలీలు ఎలా బతుకుతారు అనే కోణంలో ప్రభుత్వం ఎలాంటి ఆలోచన చేయలేదు. 86శాతం డబ్బు 500, 1000 నోట్ల రూపంలోనే ఉందని కేంద్రమే ప్రకటించింది.