ఫీజు బకాయిలను ఆంధ్ర, తెలంగాణ ప్రభుత్వాలు వెంటనే విద్యార్ధులకు చెల్లించాలి. ఈ విషయంలో ఉదాసీన వైఖరి పనికిరాదు. దివంగత ముఖ్యమంత్రి వైఎస్ రాజశేఖర రెడ్డి ఈ పథకం ద్వారా విప్లవాత్మకమైన సంస్కరణలకు శ్రీకారం చుట్టారు. సమాజంలో అన్ని వర్గాల్లో నిరుపేదలకు ఉన్నత విద్యను అందించేందుకు ఈ పథకాన్ని వైఎస్‌ఆర్ ప్రవేశపెట్టారు.

చైనా ఉత్పత్తులను నిషేధించే పరిస్థితులు లేవు. ఇది అనాదిగా మన దేశానికి ఉన్న బలహీనత. కాబట్టే ప్రధాని నరేంద్ర మోదీ దేశ ఆర్థిక వ్యవస్థతో పాటు, ఇతర దేశాల వస్తువుల దిగుమతులపై ఆధారపడకుండా బలోపేతం చేసేందుకు చర్యలు చేపట్టారు. ఇంతకాలం దేశం ఆర్థికంగా, వ్యాపారపరంగా బలోపేతం కాకపోవడానికి గత ప్రభుత్వ అస్థవ్యస్థ పాలనే కారణం.

మన దేశం పట్ల చైనా స్నేహంగా ఉన్నట్లు నటిస్తూ, అంతరంగికంగా పాకిస్తాన్‌కు సహకరిస్తోంది. చైనా ఆగడాలను అరికట్టాలంటే ఆ దేశం నుంచి దిగుమతి అవుతున్న వస్తువులను నిషేధించే విషయంపై కేంద్ర ప్రభుత్వం ఆలోచన చేయాలి. అంతకంటే ముందు సమీక్షించాలి. అవసరమైతే అఖిలపక్షంతో చర్చించాలి.

సమాచార టెక్నాలజీ విప్లవంతో ప్రపంచమే కుగ్రామమైన తరుణంలో, పోటీతత్వం విపరీతంగా ఉన్న ఈ రోజుల్లో ఒక దేశ ఉత్పత్తులను నిషేధించాలనుకోవడం సాధ్యమవుతుందా లేదా అనేది అనుమానమే. కాని పాకిస్తాన్ సరిహద్దుల్లో ఆ దేశ ఉగ్రవాద తండాలు పాల్పడుతున్న అరాచకాలను తిప్పిగొట్టాలని ప్రతి భారతీయుడు తహతహలాడుతున్నారు. పాకిస్తాన్ ఉగ్రవాదాన్ని పెంచి పోషిస్తోంది. పాకిస్తాన్‌కు చైనా మిత్ర దేశం.