S ,7 à 8 RSCA (si SASPAS) et 6 cialis pharmacie cialis rapports de stage.

ఫోకస్

08/24/2017 - 00:25

నిరుద్యోగులకు ఉపాధి కల్పించే విషయంలో ప్రభుత్వం వ్యవహరిస్తున్న తీరు ఏమాత్రం ఆమోదయోగ్యంగా కనిపించడం లేదు. ఉద్యోగాల కల్పన విషయంలో రాష్ట్ర ప్రభుత్వం చిత్తశుద్ధి లేకుండా వ్యవహరిస్తోంది. ఎన్నికల సమయంలో నిరుద్యోగ భృతి, ఉపాధి, ఉద్యోగాల కల్పన తదితర హామీలతో యువతను ఆకర్షించే ప్రయత్నం చేసిన ప్రభుత్వం ఆ హామీలను తుంగలో తొక్కేసింది. అధికారంలోకి వచ్చి మూడేళ్లయినా ఇంతవరకూ నిరుద్యోగ భృతి అమలు చేయలేదు.

08/24/2017 - 00:24

రాష్ట్ర ప్రభుత్వ కార్యాలయాలు, ప్రభుత్వ రంగ సంస్థలు, సహకార సంస్థలు, ప్రభుత్వ పాఠశాలలు, జిల్లా పరిషత్, మండల పరిషత్ పాఠశాలల్లో ఉద్యోగుల నియామకాలు శాస్ర్తియ విధానంలో చేయాలి. రాష్ట్రంలో 1,20,000 ఉద్యోగ ఖాళీలను భర్తీ చేస్తామని తెలంగాణ ముఖ్యమంత్రి కె. చంద్రశేఖరరావు ప్రకటించడం హర్షణీయమే. ఇందుకుగాను కెసిఆర్‌ను అభినందిస్తున్నాను.

08/24/2017 - 00:23

అవినీతి తగ్గితేనే నిరుద్యోగ సమస్య పరిష్కారం అవుతుంది. యువతకు ప్రభుత్వం ఎన్నో ఉద్యోగావకశాలు కల్పిస్తోంది. కానీ, వాటిని ఏవిధంగా పొందాలన్నది యువతకు తెలియడం లేదు. చాలా మంది యువకులు మా వద్దకు వస్తుంటారు. ఎంతైనా ఖర్చు చేస్తాం. ఉద్యోగం ఇప్పించమని అభ్యర్థిస్తుంటారు. ఇది ఎంతవరకూ సమంజసం? మరి కొంతమంది యువకులు ఖాళీగా తిరుగుతుంటారు! ఏదైనా ఉద్యోగం చేసుకోవచ్చు కదా?

08/24/2017 - 00:21

రాష్ట్రంలో ఏ ప్రభుత్వం అధికారంలోకి వచ్చినా.. ముందుగా హామీ ఇచ్చేది నిరుద్యోగులకే. ఉపాధి అవకాశాలు కల్పిస్తామంటూ నిరుద్యోగులకు భరోసా ఇస్తారు. అధికారంలోకి రాగానే బడ్జెట్ సమస్య, నోటిఫికేషన్లు, ఆదాయ వనరులు అంటూ దాటేస్తుంటారు. దీంతో కొంత కాలయాపన జరుగుతుంది. ప్రభుత్వానికి వెసులుబాటు అవుతుంది.

08/17/2017 - 00:25

సామూహిక గుర్తింపు ఉండి, సంఘటితమైన అనేక ప్రజా సముదాయాలతో కూడిన సమాహారమే సమాజం. సమాజ పరిణామంలో చతుర్వర్ణ వ్యవస్థ అనేక పరిణామాలకు గురై అగ్రకులాలు, నిమ్నకులాలు అనే వివక్ష ఏర్పడింది. నిమ్న కులాల వారిని అంటరాని వారిగా సమాజం చూడటం మొదలుపెట్టింది. అంటరాని వారిని గాంధీజీ హరిజనులు అని వ్యవహరించారు. కులవ్యవస్థ అణచివేత సంస్కృతికి ప్రాతినిధ్యం వహిస్తుంది. కుల ప్రాతిపదికన అస్పృశ్యతను పాటించడం నేడు నేరం.

08/17/2017 - 00:23

దళితులను గౌరవించినప్పుడే రాజ్యాంగ పరిరక్షణ సాధ్యపడి అంబేద్కర్ ఆశయాలు నెరవేరుతాయి. దళితుల రక్షణకు అనేక చట్టాలున్నా వాటిని అమలుచేసే అధికారుల నిర్లక్ష్యం కొట్టిచ్చినట్లు కనిపిస్తోంది. దళితుల్లో చైతన్యం తీసుకొస్తేనే వారిపై జరిగే దాడులు ఆగుతాయి. అసమానత, దళితుల అభివృద్ధి నిరోధకతనాన్ని పూర్తిగా రూపుమాపాలి. చట్టాలను నిర్లక్ష్యం చేసే ఎంతటివారిపైనైనా ప్రభుత్వం చర్యలు తీసుకుంటుంది.

08/17/2017 - 00:23

దాడులు అంటేనే చట్టాన్ని అతిక్రమించడం. దాడులు దళితులపైనే కాదు.. ఎవరిపైనైనా కావచ్చు.. అది చట్టాన్ని తమ చేతుల్లోకి తీసుకోవడమే. ప్రస్తుత సమాజంలో దళితులపైనే దాడులు జరుగుతున్నాయనుకోవడం దురదృష్టకరం. దాడులు అన్ని వర్గాల వారిపై, అంతటా జరుగుతున్న సమస్య. అయితే దళితులే లక్ష్యంగా జరిగే దాడులను ఖచ్చితంగా అందరూ ఖండించాల్సిందే. కేవలం ఒక వర్గాన్ని మాత్రమే టార్గెట్ చేసుకుని దాడులకు పూనుకోవడం భావ్యం కాదు.

08/17/2017 - 00:22

స్వాతంత్య్రం వచ్చి ఆరు దశాబ్దాలవుతున్నా ఇప్పటికీ కొన్నిచోట్ల దళితులు వివక్షకు గురవుతూనే ఉన్నారు. బలహీనులను బలవంతులు భయపెట్టే పరిస్థితి మొదట్నుంచే వస్తూనే ఉంది. అలానే సామాజికంగా, ఆర్థికంగా దళితులు బలహీనులు కావడం, ప్రభుత్వాలు సైతం వారి అభివృద్ధికి మాటల్లో చెప్పినంత ప్రాధాన్యత ఇవ్వకపోవడం వంటి కారణాలతో దళితులు వెనుకబడే ఉంటున్నారు. ఈ పరిస్థితి తొలగాలంటే ఆర్థికంగా దళితులు స్వావలంబన సాధించాలి.

08/17/2017 - 00:22

దళితులపై దాడులు జరగడానికి ముఖ్య కారణం, ఇంకా కుల వ్యవస్థ కొనసాగడం, దళితులను చిన్నచూపు చూడడమే. దేశానికి స్వాతంత్య్రం రాకముందు కుల వ్యవస్థ ఇంకా తీవ్రంగా ఉండేది. దాడులు తరచూ జరిగేవి. దళితులపై ఎవరైనా దాడి చేస్తే, దాడి చేసిన వారికి శిక్ష పడేది కాదు. స్వాతంత్య్రానంతరం దేశంలో పెను మార్పులు వచ్చాయి.

08/17/2017 - 00:21

కులం, మతంతో సంబంధం లేకుండా మనిషిని మనిషిగా చూడాలి. తోటివారు సాటి మనుషులే అనే భావన మనుషులందరిలో ఉండాలి. దేశంలో దళితులపై దాడులు అనే అంశంలో రాజకీయ నాయకులు, మీడియా, వామపక్షాల పాత్ర విధ్వంసకరంగా ఉంటోంది. సెనే్సషనలిజంకోసం మీడియా ఇద్దరు వ్యక్తుల మధ్య, కొంతమంది వ్యక్తుల మధ్య జరిగే వివాదాన్ని, ఘర్షణను, దాడులను కులపరమైన దాడులుగా చూపుతున్నాయి. కొన్ని ప్రాంతాల్లో కమ్మ, కాపులు కొట్టుకున్న సంఘనలు ఉన్నాయి.

Pages