నదీ జలాల వినియోగం విషయంలో దేశంలోని ఏ రాష్ట్రాల వారికీ అన్యాయం జరగవద్దు. ముఖ్యంగా మన తెలుగు రాష్ట్రాలు సఖ్యతతో ఉండాలి. రాష్ట్ర విభజన తర్వాత అనేక వివాదాలు తలెత్తాయ. వాటితోపాటే నదీ జలాల వివాదాలూ ఉన్నాయ. అయతే వీటన్నిటినీ సామరస్యంగా పరిష్కరించుకోవాలి. ఇక కృష్ణా నదీ జలాల విషయానికి వస్తే 2005లోనే అంటే ఉమ్మడి రాష్ట్రంలోనే జలాల పంపకాలకు సంబంధించిన అన్నీ నిర్ణయాలు జరిగాయి.

జల వివాదాలు కొత్తగా వచ్చినవి కావు. ఈ వివాదాలకు సామరస్యంగా పరిష్కారం కనుగొనాలంటే చర్చలే ముఖ్యమైనవి. రెండు రాష్ట్రాల మధ్య, రెండు జిల్లాల మధ్య, రెండు మండలాల మధ్య, రెండు గ్రామాల మధ్య జలవివాదాలు రావచ్చు. చర్చలద్వారా ఎలాంటి జఠిలమైన అంశాలనైనా పరిష్కరించుకోవచ్చు. జలవివాదాలకు సంబంధించి మూడు అంశాలను ప్రధానంగా గుర్తించాలి.

నీటి సమస్య ఒక రాష్ట్రానికే సంబంధించింది కాదు. నీరు అందరికీ అవసరమే. దేశ వ్యాప్తంగా మనం పరిశీలిస్తే, ఒక రాష్ట్రానికీ మరో రాష్ట్రానికీ మధ్య నీటి తగాదాలను ఈ మధ్య కాలంలో ఎకుకవగా చూస్తున్నాం. మిగతా అన్ని విషయాల్లోనూ సామస్యంగానే ఉంటున్నప్పటికీ ఒక్క నీటి విషయానికి వచ్చేసరికి ఆ సామరస్యం కనిపించడం లేదు. సమస్యను రెండు తెలుగు రాష్ట్రాలతోపాటు పొరుగు రాష్ట్రాలు కూడా సమన్వయంగా, శాంతియుతంగా పరిష్కరించుకోవాలి.

వైద్య విద్యా సంస్థల ప్రవేశ పరీక్ష ఇప్పటికప్పుడు నీట్ ద్వారా నిర్వహించడం వల్ల తెలంగాణకు నష్టం. కనీసం ఒక రెండేళ్ల సమయం ఇచ్చి ఈ నిర్ణయం అమలు చేస్తే బాగుటుంది. గ్రామీణ ప్రాంత విద్యార్థులు ఎంసెట్ కోణంలో చదువుకున్నారు. నగరాల్లో కొద్ది మంది మాత్రమే సెంట్రల్ సిలబస్‌లో చదువుకున్న వారు ఉంటారు. వారికి నీట్ ఉపయోగపడుతుంది కానీ గ్రామీణ ప్రాంతం వారికి ఉపయోగడదు.