యువత గాడి తప్పుతోంది అనేది అందరి విమర్శ. విమర్శ చేసేవారు యువతను సన్మార్గంలో ఉంచేందుకు ప్రయత్నించాలి. యువత గాడితప్పితే ఆ తప్పు వారిదికాదు... సమాజానిదే. ఎందుకంటే ఏ ఒక్కరూ కావాలని తప్పుదారి పట్టరు. పరిసరాలు, పరిస్థితుల ప్రభావం వారిని తప్పుదారి పట్టిస్తాయి. వాటిని అర్థం చేసుకుని లోతైన ఆలోచన చేసిననాడు, ఆ లోపాలకుపరిష్కారం సూచించిననాడు యువత శక్తివంతంగా తయారవుతుంది.

భారతీయ జీవన విధానంలో అనేక మార్పులు చోటు చేసుకుంటున్నాయి. నాగరిక సమాజంలో కుటుంబ వ్యవస్థ దెబ్బతింటోంది. సమిష్టి కుటుంబాలు దెబ్బతింటున్నాయి. ఇవి ప్రతి ఒక్కరినీ ఆందోళన కలిగించే అంశాలు. ఏ పని చేసినా కుటుంబ పెద్దల సలహాలు తీసుకోవడం లేదు. పెద్దలంటే గౌరవం లేకుండా పోతుంది. వృద్ధులైన తల్లిదండ్రులను అనాథ శరణాలయంలో, వృద్ధాశ్రమంలో చేర్పిస్తున్నారు. కొన్ని కుటుంబాలను చూస్తుంటే చాలా బాధ కలుగుతుంది.

కొద్ది రాష్ట్రాల్లో మెడికల్ అడ్మిషన్లకు అఖిల భారత ప్రీ మెడికల్, ప్రీ డెంటల్ పరీక్ష నిర్వహిస్తున్న తరుణంలో జాతీయస్థాయిలో 15 శాతం ఓపెన్ కోటాకోసం ఉమ్మడి ప్రవేశపరీక్ష నిర్వహించాలనే ఆలోచనలోంచి పుట్టిందే నేషనల్ ఎలిజిబిలిటీ అండ్ ఎంట్రన్స్ టెస్టు (నీట్). యుజి కోర్సులకు ఒక నీట్, పిజి కోర్సులకు మరో నీట్ నిర్వహించాలని 2011లో నిర్ణయించారు. ఆ ప్రకారం దేశవ్యాప్తంగా నీట్ నిర్వహణకు నోటిఫికేషన్ జారీ చేశారు.

మెడికల్ కళాశాలల్లో ప్రవేశానికి సంబంధించి నిర్వహిస్తున్న నీట్ వల్ల రాష్ట్ర విద్యార్థులకు మేలు జరుగుతుంది. దేశంలోని వివిధ ప్రతిష్ఠాత్మక కళాశాలల్లో ప్రవేశం పొందే వీలుంటుంది. సిబిఎస్‌ఇ విద్యార్థులకు మాత్రమే ఈ పరీక్ష అనుకూలం అన్న విమర్శలు సరికాదు. గత ఏడాది ఈ పరీక్ష నిర్వహించేందుకు ప్రయత్నించగా, సిలబస్ మార్చాల్సి ఉందని చెప్పడంతో కొంత గడువు ఇచ్చారు. ఆ తరువాత ఇంటర్మీడియట్‌లో సిలబస్ మార్చారు.