దేశ వ్యాప్తంగా ఒకే రకమైన ప్రవేశ పరీక్ష ద్వారా వైద్య కళాశాలల్లో సీట్లు భర్తీ చేయాలనుకుకోవడం మంచి ఆలోచనే. కానీ ఆ రకంగా చేసే ముందు మన దేశంలో విద్యావ్యవస్థ ఎలా ఉందనే కోణంలో సమగ్ర అధ్యయనం చేయాల్సి ఉంది. దేశం మొత్తం మీద అన్ని రాష్ట్రాల్లో విద్యావ్యవస్థ సమానంగా అభివృద్ధి చెందాలి. అప్పుడే జాతీయ స్థాయిలో ఏదైనా ఒకే ప్రవేశ పరీక్ష ఉంటే అందరూ హర్షిస్తారు.

నీట్ విషయంలో ఇంత గందరగోళం నెలకొనడానికి రాష్ట్ర ప్రభుత్వ వైఫల్యమే ప్రధాన కారణం. దీనికి రాష్ట్ర ప్రభుత్వం బాధ్యత వహించాలి. లోగడ ఎప్పుడూ లేని విధంగా ఇప్పుడు విద్యార్థులు, వారి తల్లితండ్రులు ఆందోళనకు గురవుతున్నారు. దేశ వ్యాప్తంగా ఆదివారం ‘నీట్’ జరిగినా, తెలంగాణ, ఆంధ్ర ప్రదేశ్, జమ్మూ-కాశ్మీర్‌లో పరీక్ష జరగలేదు. ‘నీట్’కు హాజరుకావాలా? లేదా? అసలు నిర్వహిస్తారా? లేదా?

ప్రభుత్వం ప్రవేశపెట్టిన ‘నీట్’తో నా రాష్ట్రం, మా రాష్ట్రం అనే ప్రాంతీయ భావన తొలగిపోతుంది. దేశంలో అందరిదీ ఒకే భావన కలుగుతుంది. నేషనల్ ఎలిజిబిలిటీ ఎంట్రెన్స్ టెస్ట్ అనేది మంచిదే.. కానీ కొంత గడువు ఇస్తే బాగుండేది. రెండు తెలుగు రాష్ట్రాల్లో అత్యధికులు తెలుగు భాషకే అలవాటుపడి ఉన్నారు. నీట్‌కు ఆంగ్లం, హిందీ భాషలు అవసరం. కాబట్టి కొంత గడువు ఇస్తే రెండు తెలుగు రాష్ట్రాల అభ్యర్థులకు వెసలుబాటు ఉంటుంది.

గడచిన 60 ఏళ్లలో ఎన్నడూ చూడని రీతిలో ఇటు తెలంగాణలోనూ, అటు ఆంధ్రాలోనూ కరవు ఏర్పడింది. రెండు రాష్ట్రాలూ కరవు ప్రాంతాలను గుర్తించి ప్రకటించడమేగాక, అనేక కరవు నివారణ చర్యలను చేపట్టాయి. ప్రభుత్వపరంగా జరుగుతున్న కార్యక్రమాలు సరిపోవడం లేదు, ఎంత పెద్దఎత్తున నిధులు కేటాయించినా సరిపోని రీతిలో కరవు విశ్వరూపాన్ని దాల్చింది. కేంద్రం ఇస్తున్న నిధులు సరిపోవడం లేదు.