శని సింగ్నాపూర్ దేవాలయంలో మహిళలకు ప్రవేశంపైనే దేశంలో చర్చను లేవగొట్టారు. భారతదేశంలో కాశ్మీర్ నుండి కన్యాకుమారి వరకూ దేవాలయాల ప్రవేశానికి లింగవివక్ష లేనేలేదు. ఎక్కడో ఏదో దేవాలయంలో స్థానికంగా ఏదోకాలంలో ఏర్పాటు చేసి ఉంటే ఆ విషయాలపై హిందూ సమాజంలోని ఆధ్యాత్మికవేత్తలు, స్థానికులతో చర్చించి, కాలానుగుణంగా మార్పులు తీసుకురావచ్చు. దానిని వివాదాస్పదం చేస్తే మార్పు వస్తుందని కొందరు భావిస్తూ ఉంటారు.

యూనివర్శిటీల పరువు ఎలా పోతోందో... వైస్ చాన్సలర్లు చేస్తున్న అక్రమాలు, అవినీతి కార్యక్రమాల గురించి ఇటీవల తెలంగాణ ముఖ్యమంత్రి కె చంద్రశేఖరరావుగారు శాసనసభలో చెప్పారు. వారు చెప్పింది అక్షరాల నిజం...ఇపుడు సిఎం గారు చెబుతున్న విసిలను ఈయన నియమించలేదు, గత ప్రభుత్వాలు నియమించిన వారు. మనకు కావల్సింది ఇదే...తప్పు ఎక్కడ జరిగిందో సిఎం గారు గుర్తించారు, ఇక మనకు మంచి విసిలు వస్తారనే నమ్మకం కలుగుతోంది.

ఉన్నత విద్యపట్ల ప్రభుత్వం పూర్తిగా నిర్లక్ష్యంగా వ్యవహరిస్తోంది. సమాజాభివృద్ధిలో కీలకభూమిక పోషించాల్సిన విద్యారంగాన్ని అభివృద్ధి పథంవైపు తీసుకువెళ్లాల్సిన బాధ్యత ప్రభుత్వంపై ఉంటుంది. తెలంగాణ ప్రాంతంలోని విశ్వవిద్యాలయాలకు రెగ్యులర్ వైస్-్ఛన్సలర్లు లేరు. పాలక మండళ్లను ఏర్పాటు చేయలేదు. బోధనా సిబ్బంది అవసరమైన సంఖ్యలో లేరు. అవసరమైన మేరకు భవన సౌకర్యాలు, వౌలిక సదుపాయాలు లేవు.

యూనివర్శిటీల ఛాన్సలర్లను, వైస్-్ఛన్సలర్లను ప్రభుత్వమే నియమించాలని భావించడం సరైంది కాదు. కొత్త ప్రయోగాలు వద్దు. మానవ వనరుల అభివృద్ధి వర్సిటీల్లో జరుగుతుంది. రిటైర్డ్ జడ్జిలనో, రిటైర్డ్ ఐఏఎస్, ఐపిఎస్‌లనో నియమించడం ద్వారా పెద్దగా ఫలితాలు ఉండవు. రిటైర్డ్ జడ్జిలను, రిటైర్డ్ ఐఏఎస్‌లను ఇక్కడ చిన్నబుచ్చడం లేదు. వారి రంగాల్లో అపూర్వమైన ఫలితాలు సాధించి ఉంటారు.