దేశ వ్యాప్తంగా యూనివర్శిటీల్లో ఆందోళనలు, ఉద్రిక్త పరిస్థితులు నెలకొనడం విచారకరం. దేశ భక్తి ముసుగులో అరాచకాలు సృష్టించవద్దు. విద్యా సంస్థలకు మతం ముసుగు వేయవద్దు. దేశ భావితరానికి పునాదులు వేసే యూనివర్శిటీల్లో ఎల్లప్పుడూ ప్రశాంత వాతావరణం ఉండాలి. ప్రస్తుతం దేశవ్యాప్తంగా యూనివర్శిటీల్లో ఏదో రకమైన ఆందోళనలు కొనసాగుతున్నాయి.

యూనివర్శిటీల్లో అలర్లు.. నివారణకు మార్గాలు యువతకు దిశా, నిర్దేశం చేయడానికి విశ్వవిద్యాలయాలు ముందంజలో ఉన్నాయి. అయితే ఇటీవల కాలంలో కొన్ని విశ్వవిద్యాలయాల్లో అలర్లు చోటుచేసుకోవడం శోచనీయం. విద్యార్థులకు, విశ్వవిద్యాలయ అధికారులకు మధ్య అవగాహన లోపం వల్లనే ఇటువంటి పరిస్థితులు ఉత్పన్నమవుతున్నాయి.

యూనివర్శిటీలు ఎందుకు ఉన్నాయి..?? భారతదేశ సంస్కృతి సంప్రదాయాలను పరిరక్షించే దేవాలయాలు విశ్వవిద్యాలయాలు. ఆ దేవాలయాల్లో చదువు అనే ఒక యజ్ఞం సాగాలి. విద్యార్ధులు యూనివర్శిటీల ఔన్నత్యాన్ని, వాటి లక్ష్యాలను అర్ధం చేసుకోవాలి...యూనివర్శిటీలు రాజకీయ పార్టీల వేదికలు, తమ ఇజాలకు వేదికలు కాదు...అందుకు భిన్నంగా యూనివర్శిటీలను వాడుకోవాలని ఒక వర్గం చేసే ప్రయత్నాలను మనం సమర్ధించాలా?

విశ్వవిద్యాలయాలు రాజకీయాలకు నెలవు కావద్దు. అక్కడ రాజకీయాలు బోధించాలి, సమాజంపై అవగాహన కలిగించాలి అంతేతప్ప విద్యార్థుల జీవితాలతో ఆడుకునే విధంగా రాజకీయాలు చేయవద్ద. రాజకీయ ప్రయోజనాల కోసం విశ్వవిద్యాలయాను ఉపయోగించుకోవద్దు. తెలంగాణ ప్రభుత్వం విశ్వవిద్యాలయాలను సంస్కరించడానికి నడుం బిగించింది. రాష్ట్రంలో 13 విశ్వవిద్యాలయాలు ఉన్నాయి. విశ్వవిద్యాలయాలకు వైస్ చాన్సలర్లు లేరు.