S ,7 à 8 RSCA (si SASPAS) et 6 cialis pharmacie cialis rapports de stage.

సాహితి

01/21/2018 - 21:13

ఆంగ్ల వత్సరమైనా.. తెలుగు వత్సరమైనా
అందరికీ కావాలి శుభారంభం
అమ్మనాన్నల పిలుపు దూరమైనా
మమీ డాడీల గెలుపు చేరువైనా
మారిన కాలానికి మనమే నిలువెత్తు సాక్షులం
పోటీ ప్రపంచంలో గె(ని)లవాలన్నా
తప్పదు అలుపెరుగని పోరాటం
డాలర్లవేటలో అందరూ ప్రయాణికులమే
బంధాలు - అనుబంధాలు
అందరికీ కడు దూరమే
పిల్లలంతా విదేశాలకు తరలుతున్నారు

01/21/2018 - 21:11

చీకటిని చిదిమి
తెలి వేకువ వేగుచుక్కగా
అతని నుదుటిపై ఎర్రని తిలకం
నెత్తుటి సూరీడ్ని పుష్పిస్తుంది
కాలం కాలనాగై కాటేసిన సందర్భాలను
రాలిన కన్నీటి చుక్కల్లో లుప్తపరుస్తూ
అతడు... మరో ప్రస్థానానికై
నిప్పుల గుండంపై పేగు పాశానికి
భస్మాభిషేకం చేస్తాడు!
అజ్ఞాత దుఃఖార్తులకు
వేదన రోదన మిన్నంటిన శోక హృదయాలకు

01/21/2018 - 21:16

‘ఉద్యోగస్థులయిన శ్రీమతులమీద నేను పరిశోధన చేస్తున్నాను. ముఖ్యంగా మన దేశంలో గృహిణులు ఉద్యోగాలు చెయ్యటం అంతగా వ్యాపించలేదు. స్ర్తిలు గృహిణులుగానూ, ఉద్యోగినులుగానూ ద్వంద్వ బాధ్యతలను ఎలా నిర్వహిస్తున్నారు, ఏయే సమస్యలను ఎదుర్కొంటున్నారు, ఎలా పరిష్కరించుకుంటున్నారన్నదే నా పరిశోధనాంశం’ అంటూ ఒక పరిశోధకురాలు శ్రీమతిగానూ, ఉద్యోగినిగానూ ఉన్న రచయిత్రిని పరిచయం చేసుకుంటుంది.

01/14/2018 - 20:10

అంగనల్ తమ గృహ ప్రాంగణంబుల తీర్చు
రంగవల్లికల హొరంగులందు
విభవంబులొల్క గొబ్బెమ్మలందున కుల్కు
బంతి-చేమంతి పుష్పంబులందు
తెలవార మేలుకొల్పులతోడ కడు కమ్మ
గా పాడు హరిదాసు గళమునందు
స్వయముగా చెమటోడ్చి పండించు ధాన్యమ్ము
గంపకెత్తెడు రైతు కన్నులందు
గంగిరెద్దుల గంతుల పొంగులందు
తేజు మెఱయంచు కోడి పందెమ్ములందు
చెలువు మీఱెడి బొమ్మల కొలువునందు

01/14/2018 - 20:09

నీవు పూవై పరిమళించినంత కాలమే
నీ చుట్టూ ఈ తుమ్మెదల ఝుంకారం

నీవు తెమ్మెరలా మదిని స్పృశించినంత కాలమే
నీ కోసం తన రంగవల్లుల ప్రతీహారం

నీవు మొయలువయ భువిన కురిసిపోతేనే
నీ వయపుకు తలలెత్తే మొలకల పులకరింపు

నీవు స్వాతి జల్లువయతేనే ముత్యపు చిప్పలందు
నీకయ నిత్యమూ ఎదురుచూపుల కైమోడ్పులు

01/14/2018 - 20:08

అరవిరిసి పరిమళిస్తూ పూచే
పెరటి తోటన చక్కన్ని ముద్దబంతి
కమ్మనైన హరిదాసు నృత్యగానం
హరికీర్తనల గూడె చిరుతల తంత్రి
డూడూ బసవన్నల అందెల సడితో
వెల్లి విరిసిన ఆనంద హేల దొంతి
అందాల రంగుల రంగవల్లులతో
మురిపిస్తున్న నవయవ్వన యంతి
అంగరక్షణి వలె పచ్చని పైరులతో
సుందరమైన పల్లె మాగాణీ ప్రకృతి
అందివచ్చిన కొత్త పంటలతో
ఇంటింటా బంధువర్గ సహబంతి

01/14/2018 - 20:08

సంక్రాంతీ... మకర సంక్రాంతి
బక్కచిక్కినవారి బాధలన్నీ తీరి
బతుకు బాగుపడితే నవ్వుల సంక్రాంతి
కిలోల కొద్ది వీపు మోతలేని చదువు దొరికితే
బడిపిల్లలకు భలే సంక్రాంతి
పండించిన రైతన్నకు
సరియైన రొక్కమిస్తె దరహాస సంక్రాంతి
తిండి దొరకని వృద్ధులకు
వేళకు అన్నపానాదులందితె మురిపాల సంక్రాంతి
కొలువులున్నోళ్లు కునుకు తీయకుండ

01/14/2018 - 20:06

జనగణాల ఆపాదమస్తకం
ఆవరించిన మంచుదుప్పట్లను
చీల్చుకుంటూ వచ్చాయ
సంక్రాంతి సముజ్వల క్రాంతిరేఖలు

భోగిమంటలతో భోగభాగ్యాలతో
కొత్త అల్లుళ్లతో కొంగ్రొత్త ఆశలతో
సంతసాల మేళవింపుతో
సౌరభాల గొబ్బిళ్ళతో
కోడిపుంజుల పందేలపట్లతో
జనాలను పరవళ్ల జల్లులలో
ముంచెత్తటానికి నడుం బిగించి
నట్టింట నిలిచింది నవనవలాడే
నవ్యక్రాంతి అదేనండి సంకురాత్రి..

01/14/2018 - 20:05

చుక్కల అంబరాన్ని తొడిగిన
వినీలాకాశం మిణుగురులై తళుకులీనగ
లేలేత చిగురు దారాల
అల్లికలుగ నేసిన ఆకుపచ్చని
చీరకట్టిన ప్రకృతి కాంత
మందస్మిత మందగమన
మలయమారుత అతి శీతలములకు
సోయగాలు పోగ
సప్తవర్ణ సొబగులద్దుకున్న
లతాంతికలు గాలి అలలుగా
సౌరభాలు వెదజల్లగ
తెలుగు మాగాణి
పసిడి ధాన్యరాశిగ మారగ
పక్షుల కిలకిలారావములై

01/14/2018 - 20:04

ముగ్గులు దిద్దిన
ముంగిళులందున
ముచ్చటలాడే గొబ్బెమ్మా! మా
పచ్చని తల్లీ! గొబ్బెమ్మా! ...ము

నవ భావములను
అనురాగములను
నారు వోసినా గొబ్బెమ్మా! మా
నవ్వుల తల్లీ! గొబ్బెమ్మా! ...ము

రంగు రంగులా
రంగవల్లులను
కొంగున దెచ్చిన గొబ్బెమ్మా! మా
కోర్కెల తల్లీ! గొబ్బెమ్మా ...ము

Pages