S ,7 à 8 RSCA (si SASPAS) et 6 cialis pharmacie cialis rapports de stage.

సాహితి

10/01/2017 - 19:44

అధికారపు పదవి కోసం కాదు
మమకారపు అమ్మదనం కోసం..
మందులూ మంత్రాలూ మొక్కులంటూ
తిక్కదానిలా తిరిగి తిరిగీ..
నీ కడుపులో నన్ను నిలుపుకున్నావ్
నిలిచి పెరిగే బిడ్డ నీలాంటి అమ్మేనంటూ..
బుగ్గలు చిదమాల్సినవాళ్ళు
ప్రాణాల్ని చిదిమేయబోతే
నీ బ్రతుకు సుఖాల్ని బలిచ్చి
కష్టాల్లో కొట్టుకులాడావు
మనిషికి మనుగడనిచ్చే తల్లి పదవిని నాకిచ్చావు

10/01/2017 - 19:41

ఏకాంతపు ప్రవాహమీది నుంచి
ఒంటరి తెరచాపవై
రెపరెపలాడుతూ వస్తానని
వాగ్దానం చెయ్యలేదూ నువ్వు!
నిమ్మళపు జల ఫలకమీద
చిల్లుల గుడారానివై వాలి
జీవన గర్భంలోంచి
తడి అనుభవాలను తొడి తెచ్చి
కుమ్మరిస్తానని వొట్టేసి చెప్పలేదూ నువ్వు
వేనవేల కళ్ళ వేణువునై
తీరమీద కూచుని
శోక రాగాల్ను
శ్రుతి చేసుకుంటూనే ఉన్నాను గదా

10/01/2017 - 19:40

‘కూతురు పెళ్లి విషయమై రాఘవయ్య చెవులో పిండిమర పనిచేస్తున్నట్లు పనిచేస్తూనే వుంది రాజమ్మ. రాజమ్మకు కూతురు దొడ్లో తోటకూర మొక్క పెరిగినట్లుగా పెరుగుతున్నట్లు కనిపిస్తున్నది. ఏదో విధంగా ఎందరికో పెళ్లిళ్లవుతున్నాయి. మరి దీనికి కాదేం?- ఇదీ ఆ మధ్యతరగతి దంపతుల ఆవేదన.

09/24/2017 - 22:11

నాకప్పటికి పాతికేళ్లు నిండి ఉంటాయి. ఆంధ్రప్రభలో ప్రతి ఆదివారం భట్ట నైషధం గురించి వ్యాసాలు వస్తున్నవి. వాటి రచయిత గుంటూరు శేషేంద్ర శర్మ. వాటిలో ఆయన ప్రతిపాదించిన అంశాలు అన్నీ కొత్తగా ఉన్నాయి. నైషధానికి సాహిత్యంలో పరమోత్తమ అధ్యయన గ్రంధంగా పేరున్నది.

09/24/2017 - 22:10

‘కొడుక్కి పాతికేళ్లు వచ్చి చాలా అప్పులులోకి, తగాదాల్లోకి, జూదాలకీ దిగాడనుకోండి. అతనిమీద చాలా జాలిపడి తండ్రి ‘పిల్లవాడివిగా వున్నప్పుడు ఎంత శాంతంగా, సంతోషంగా, నిర్మలంగా వుండేవాడివి!’ అని బలవంతంగా తండ్రి బొమ్మలూ అవీ ఇచ్చి ఆడుకోమంటే అతనేవౌతాడో దేశమంతా అట్ల ఐనట్టుంది’ అని వ్యాఖ్యానం చెబుతాడు కధకుడు- రుూ కధ చివరలో.

09/24/2017 - 22:08

ఈ నెల 28న జాషువా జయంతి
*
బడిలో, గుడిలో, అడుగడుగునా
అస్పృశ్యతా పైత్యం
నాటక ప్రదర్శన నీ కులపోళ్లకు కాదుపొమ్మన్నా
కవిత బాగుంది కానీ... నీదే కులం?
అని ప్రశ్నించి గుండెల్లో కత్తులు దించినా
కళలకు కులం రంగు పులిమి, ఉన్మాదంతో
ఘోర కులపిచ్చి వికటాట్టహాసం చేసినా
అడుగడుగునా అవమానాల పరంపర కొనసాగినా
నాల్గు పడగల హైందవ నాగరాజులు

09/17/2017 - 22:38

ఎండిన పొలాన
నా కవితలోని తడితో
చినుకునై వర్షిస్తా

ఇంకిన రైతు నయనాన
నా కన్నీటితో గట్లు కట్టి
మడిగా మారుస్తా

చెట్టు కొమ్మకు వేలాడే
అన్నదాత పాదాలకు
నా భుజాలనే ఆసరా చేస్తా

తన ఆశలు నా ఆశయాలు
ఇద్దరి జీవిత మాగాణిలో
రెండు కాడెడ్లు

గిట్టుబాటు ధరకై
నా నోటితో అడుగుతా
నా కలంతో కడుగుతా

09/17/2017 - 22:36

సాధారణంగా కథారచనలో మెళకువలు నేర్పేవారుగానీ, విశే్లషణలు చేసేవారు కానీ కథ ఎత్తుగడ, ముగింపు, నడుమ ఓ సంఘర్షణ వంటివి ఉండాలని చెప్తారు. కథలో పాత్రలు, పాత్రల వ్యక్తిత్వాలు, సంభాషణల ఔచిత్యం వంటి వాటి గురించి చెప్తారు. ఉదాహరణలు చూపుతారు. వస్తువు గురించి మాట్లాడతారు. తెలుగు సాహిత్యంలో ప్రస్తుతం ‘వస్తువు’కు ఉన్నంత ప్రాధాన్యం ఇంకా దేనికీ లేదు.

09/17/2017 - 22:35

కొత్త గొంతులు
నిర్భయంగా నడిచిన నేలమీద
కోరికల చిగురు
కలల మారాకు వేసి
బతుకు మీద ఆశగా మొలకెత్తవూ...?

కాలాన్ని దోసిట్లోకి ఒంపుకొని
ప్రవాహ వేగాన్ని
గడగడా తాగినంత సేపూ
మనిషికి
కొత్త ఊహలే పుట్టుకొస్తాయ

స్తబ్దతలోంచి
చైతన్యంతో తట్టి లేపడానికి
పరిచిన అడుగులన్నీ
నవ నవోనే్మషంగా మొగ్గ తొడుగుతాయ

09/17/2017 - 22:33

‘పుట్టుక నీది / చావు నీది / బతుకంతా దేశానిది’- అని జయప్రకాశ్ నారాయణ్ మరణించినప్పుడు రాశారు కాళోజీ. ఈ కవితను కాళోజీకి కూడా అన్వయించి చెప్పవచ్చు. దాదాపు తొంభై ఏళ్ళు జీవించిన కాళోజీ ఏడు దశాబ్దాలకు పైగా ప్రజా జీవితంతో మమేకమయ్యారు. తన కళ్లముందు కదలాడిన సామాజిక, రాజకీయ, సాంస్కృతిక జీవనాన్ని తన కవిత్వంలోకి ప్రవహింపజేశాడు.

Pages