ఎడారి ఆకాశానికి ఎండమావుల్ని అప్పజెప్పి
నెర్రల నేలకు అమృతస్తన్యమివ్వని
వట్టిపోయిన కార్తెల్ని కాడెద్దులకు బిగించి
నాగలి గొర్రుకు వేలాడుతున్న శవాలు!
వడిసెల దెబ్బకు రాలుతున్న పిట్టల్లా..
చెదలు పట్టిన అమృత హస్తాలకు అనంత దుఃఖం!
చేన్లు చెల్కలు వరి మొలకలు
కాటేసిన కాలంలో విముక్తి లేని శాపగ్రస్థలు!
మట్టి స్పర్శ మరణ మృదంగంలా..

అస్సలు తోచనీయని సమయాలు
కొన్ని ఉంటాయి.
మాటే వినని మనసులుంటాయి

ఎక్కడో ఉన్న అమ్మని తలచే తలపులుంటాయి
కంటి కొలుకుల్లోంచి జారి పడని నీళ్ళుంటాయి
విలవిలలాడే ఆక్రోశాలుంటాయి

కలం ఎప్పుడూ శోకించదు
కవి స్ఫూర్తి వేదన భరించనపుడు
విషాద మేఘచ్ఛాయాలు క్రమ్మి
పరావర్తనం చెందినపుడు
భావస్ఫోరకమై సంచలిస్తూ
విచలితం జ్వలనమై
అశృతప్త కాసారమవుతుంది.
విరి తోటను విస్మరించిన విరజాజి
పరిమళాన్ని విదిల్చి వెళ్ళిపోయింది
నిన్నటి సంధ్యాసమయంలా
నిరుడు కురిసిన శ్రావణమేఘంలా
స్వర్ణమరుూ... సుకుమారీ...

పూలపిట్ట: వెల:రు.100/-
పుటలు: 96, సోమిశెట్టి స్వర్ణలత
ప్రతులకు: సోమిశెట్టి నరసింహారావు,
ప్లాట్ నెం.1502, జి.బ్లాక్
సేథి మ్యాక్స్‌రాయల్, సెక్టార్- 76
నోయిడా- ఉత్తరప్రదేశ్
అన్ని ప్రముఖ పుస్తక విక్రయ కేంద్రాలు.