ధిక్కారమే నైజంగా సాగుతున్న ఉత్తర కొరియా రానున్న కాలంలో ఇబ్బడి ముబ్బడిగా ఇటు బాలిస్టిక్ క్షిపణులను, అటు ఖండాంతర క్షిపణులను సమీకరించుకునే అవకాశాలు కనిపిస్తున్నాయి. ఇటు అమెరికా ఆంక్షలను, అంతర్జాతీయ హెచ్చరికలను, ఐరాస తీవ్ర స్వరాన్ని పెడచెవిన పెట్టిన ఉత్తర కొరియా అధినేత కిమ్ జాంగ్ ఉన్ తనకు అడ్డే లేదన్న రీతిలో దూసుకుపోతున్నారు.

బ్రెజిల్‌లో రాజకీయ కల్లోలం తీవ్రమవుతోంది. అవినీతి కుంభకోణాల నేపథ్యంలో రాజీనామా చేయాలంటూ ప్రజల నుంచి వస్తున్న వత్తిళ్లను అధ్యక్షుడు మైకేల్ టెమర్ ఎంత మాత్రం ఖాతరు చేయడం లేదు. సుప్రీం కోర్టు ఈ విషయంలో ఆయనను మందలించినప్పటికీ రాజీనామాకు ససేమిరా అంటున్నారు. కావాలంటే తనను దించేయవచ్చని కూడా సవాల్ విసురుతున్నారు.

అర్థబలంతోపాటు అపారమైన ప్రాబల్యం కూడా ఒక దేశ ప్రతిష్టను, దాని ప్రభావశీలతను ఎంతగానో పెంచుతుంది. వర్ధమాన ప్రపంచంలో చైనా ఇదే వ్యూహంతో ముందుకు దూసుకుపోతోంది. ఒకదాని తర్వాత ఒకటిగా తనకు ప్రయోజనం కలిగించే, తనకు ఆర్థికంగా రాజకీయంగా లబ్ధిని చేకూర్చే ప్రాజెక్టులకు సంబంధించి రాజీలేని రీతిలోనే పావులు కదుపుతోంది.

ముందస్తు ఎన్నికలకు సిద్ధమైన బ్రిటన్ ప్రధాని ధెరీసామే ముందు అనేక సవాళ్లు పొంచి ఉన్నాయి. అసలు ఎంత మంది బ్రెగ్జిట్‌కు ఆనుకూలంగా ఉన్నారో తెలియాలంటే ముందస్తు ఎన్నికలకు వెళ్లడం ఒక్కటే మార్గమని భావించిన ధెరీసా అందుకు అన్ని విధాలుగా సిద్ధమవుతున్నారు. బ్రెగ్జిట్ నుంచి బ్రిటన్ నిష్క్రమణకు అధికారికంగా నాంది పలికిన ఆమెకు ఇప్పుడు ఎన్నికల్లో నెగ్గడం ఓ పెద్ద సమస్యగా మారింది.