తెలుగులో వచ్చిన ‘గీతాంజలి’ చిత్రం తర్వాత అందాలభామ అంజలి కెరీర్ బిజీ బిజీగా మారింది. వెండితెరపై వరుస ఆఫర్లతో చెలరేగిపోతోంది. అంజలి ప్రస్తుతం బాలయ్య సరసన ‘డిక్టేటర్’లో అందాల కనువిందు చేస్తుండగా, మరో చిత్రం ‘సరైనోడు’లోనూ ఓ ప్రత్యేక పాటలో అలరించనుందట. ‘శంకరాభరణం’లో ఓ ప్రత్యేక పాత్రలో మెరిసిన అంజలి ‘సరదా’ చిత్రంలో మంచు విష్ణు సరసన కీలకపాత్రను పోషించే కథానాయికగా ఎంపికైంది.

పుకార్లకు పుట్టినిల్లు సినిమా పరిశ్రమ అని ప్రత్యేకంగా చెప్పనవసరం లేదు. ‘నామీద అటువంటి పుకార్లు ఎన్ని వచ్చినా నేనేం పట్టించుకోను’ అంటూ గతంలో చెప్పిన ఇల్లీ బేబీ ఇప్పుడు ఆ పుకార్లు విని ధూంధాం చేస్తోంది. తెలుగులో మంచి ఫామ్‌లో ఉన్నప్పుడు హిందీలోకి వెళ్లిపోయిన ఈ అమ్మడు ‘బర్ఫీ’ చిత్రంతో మాత్రమే హిట్‌ను పట్టగలిగింది. అన్ని భాషల్లో హిట్ చిత్రాలను ఇచ్చే హీరోయిన్లు అరుదుగా ఉంటారు కదా.