విభిన్నమైన రంగుల్లో ఆకర్షణీయంగా కనిపించే ‘ప్యారట్ ఫిష్’లకు ఎన్నో ప్రత్యేకతలు ఉన్నాయి. రాత్రిపూట శత్రువుల నుంచి రక్షణకు వీలుగా అవి ఒకరకమైన జిగట పదార్థంతో తమ శరీరం చుట్టూ ఒక కవచాన్ని ఏర్పాటు చేసుకుంటాయి. అంటే పారదర్శకంగా ఉండే ఓ బెలూన్ మధ్యలో అవి సురక్షితంగా ఉంటాయన్నమాట. ఒక మగ ప్యారట్ ఫిష్ కొన్ని ఆడచేపలతో కలసి జీవిస్తుంది. ఒకవేళ ఆ మగ చేప మరణిస్తే, మిగిలిన ఆడ చేపల్లో ఒకటి తన రంగులను మార్చుకుని మగచేపగా మారిపోతుంది. అదే వీటి ప్రత్యేకత.