ఈ చేపలు గుండె బాగుచేసుకుంటాయి!
Published Tuesday, 8 August 2017మనిషికి వచ్చే వ్యాధులు, లక్షణాలు, చికిత్స, ఔషధాలను కనిపెట్టే పరీక్షల్లో విస్తృతంగా వాడే చేప ఇది. దీని శరీరంపై ఉండే నీలిచారల వల్ల వీటికి జీబ్రాఫిష్ అన్నపేరు వచ్చింది. క్షయ, కేన్సర్, ఇన్ఫ్లుయంజా సహా మరికొన్ని వ్యాధులకు సంబంధించిన పరిశోధనలు వీటిపై చేస్తున్నారు. అంతరిక్షంలోకి పంపిన జీవుల్లో ఇవీ ఉన్నాయి. కంటిలోని రెటీనా, గుండె, ఇతర భాగాలు దెబ్బతిన్నప్పుడు వాటిని మరమ్మతు చేసుకోవడం, పునరుద్ధరించుకోవడం వీటి ప్రత్యేకత. అందువల్లే వైద్యరంగంలో వీటికి ఎనలేని ప్రాధాన్యం ఉంది. పారదర్శకంగా కనిపించే ఎంబ్రియోలో గుడ్లు పెడతాయి. వాటి ఎదుగుదలను మనం ప్రత్యక్షంగా చూడవచ్చుకూడా.